/11 /11

Со најновите начини на шиење денес е можно да се направи царски рез и повеќе од четири пари, а најголемиот напредок е тоа што се зголемени шансите за вагинално породување по царски рез.

Што значи вагиналното породување по царски рез?

И по породувањето со царски рез постои избор – породување со царски рез, или обид за породување по природен пат. Во минатото заршувала со царски рез секоја надеж за вагинално породување, но денес тоа е сосема реална опција – дури 70% од жените кои родиле по природен пат, по царски рез, го направиле тоа успешно. Но тоа не е случај во сите породувања, секако. Понекогаш компликациите во бременоста или историјата на болест го оневозможуваат вагиналното породување по царскиот рез, а во таков ризик нема да се впуштаат болниците во кои не постои опрема и персонал за изведување на итен царски рез.

Предности и ризици на вагиналното породување по царскиот рез

Предности:

1. Помалку компликации. Успешното вагинално породување носи помал ризик од инфекции и серiозно губење на крв, отколку повторениот царски рез. Меѓутоа, ако вагиналното породување не тече успешно, мора да се прибегне кон итен царски рез, кој носи поголем ризик од инфекции отколку планираниот царски рез.
2. Пократко време за опоравување. Престојот во болница по вагинално породување е пократок отколку по царски рез, бидејќи енергијата и издржливоста се враќаат многу побрзо, отколку по оперативен зафат.
3. Поголема соработка при породување. На некои жени им е важно да го искусат вагиналното породување. Исто така, по успешното вагинално породување бебето и се дава на мајката на доење многу побрзо отколку по царски рез.
4. Влијание на идните бремености. Вагиналното породување по царски рез може да биде подобра опција за оние кои планираат поголемо семејство.

Ризици:

1. Неуспешен обид за породување. Околу 25% од жените  кои по царскиот рез се обидуваат да родат по природен пат, повторно раѓаат со царски рез.
2. Инфекција на материцата. Повторување на царски рез откако веќе започнало породувањето носи поголем ризик за компликации.
3. Пукање на материцата.  Во ретки случаеви материцата може да пукне во тек на породување на местото од претходниот царски рез. Ако тоа се случи ќе биде потребен итен царски рез, за да се избегнат компликации како губење на крв, оштетување на мокрачните патишта, оштетување на мозокот на бебето, па дури и смрт на мајката и бебето. Ако породувањето се одвива во болница која е подготвена за изведување на итен царски рез, тогаш не постои опасност за бебето. Но во некои случаи може ќе биде потребно отстранување на материцата, за да се запре крварењето. Тоа исклучува следна бременост.

Можности  за успешно вагинално породување по царски рез

Способноста за вагинално породување по царски рез зависи од повеќе фактори, но општо може да се каже дека шансите се поголеми ако:

• претходно сте имале само еден низок попречен рез на материцата  и немате други резови
• сте Вие и бебето здрави и бременоста напредува нормално
• причината заради која сте родиле со царски рез овој пат нема влијание
• Вашето породување започне пред термин или во термин
• сте имале успешно вагинално породување пред царскиот рез.

Од друга страна се смета дека шансите за успешно вагинално породување по царскиот рез се помали ако:

• Ви поминал терминот за породување
• бебето е големо
• сте имале повеќе од два царски реза и ниту едно природно породување
• имате здравствени проблеми кои можат да направат компликации
• сте имале вертикален рез на материцата

Во случај на близначка бременост, вагиналното породување по царски рез е можно ако двете бебиња се завртени со главата нанапред. Но во случај на тројки вагиналното породување не се препорачува.

Ако се одлучите за вагинално породување по царскиот рез ќе поминувате по истиот процес како останатите жени, само што повеќе ќе внимаваат на Вас. Најважно е да запомните дека крајна цел на сите е – здрава мајка и здраво бебе.