Млеко

/11 /11

Мајчиното млеко е прва храна која ја внесуваме во организмот. Но млекото има еднакво важна улога и за возрасните, бидејќи е одличен извор на калциум и калиум, па заедно со млечните производи има важна улога во јакнењето на коските и забите. Препорачливо е да се пие по една чаша – три пати на ден.

Млекото се состои од различни ензими, витамини, минерали, протеини, како и масти неопходни за здраво функционирање на телото. Содржи витамини Б6 и Б12, кои докажано позитивно влијаат на кардиоваскуларниот систем. Лактозата од млекото содржи едноставни шеќери - глукоза и галактоза, кои не снабдуваат со енергија. Исто така, во тек на преработката  се додаваат неколку важни бактерии кои го олеснуваат варењето.

Најважни состојки кои му недостасуваат на млекото се витамин Ц и железо, но сепак, тоа не ја намалува неговата лековитост. Децата би требало да го пијат  секојдневно, а и возрасните не би требало да се одрекуваат, бидејќи содржи калиум, магнезиум и фосфати, неопходни за функционирање на внатрешните органи. Калиумот е важен за воспоставување на оптимален крвен притосок, а калциумот ги јакне коските и игра важна улога против мигрената , артритисот и дебелеењето.

Млекото како одличен извор на протеини им се препорачува и на вегетаријанците, бидејќи не јадат производи од животинско потекло. Во 100 гр. кравјо и козјо млеко има околу 3,2 гр. протеини, а во овчото млеко тој процент е поголем. Добро е да се знае и тоа дека кравјото млеко е еден од најдобрите извори на омега 3 масни киселини, кои се важни за имунитетот и нервниот систем.