/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ориганото е самонико, медитеранско растение, кое важи за едно од најлековитите билки на светот. Посебно е ценето неговото масло, кое се добива од дивите врсти оригано, посебно со процес на дестилација, за да се сочуваат сите лековити својства.

Видови на оригано

Постојат преку 40 видови на оригано. Во исхраната најчесто го користиме Origanum Vulgare. Меѓутоа, за најлековита врста се смета маслото Origanum Minutiflorum, кое содржи и до 90% од активната лековита состојка карвакрол, која има силни антибактериски својства.

Што се' лечи?

Старите Грци го користеле маслото од оригано за лечење на рани, каснувања од змија и потешкотии со дишењето.

Британските научници во истражувањата потврдиле дека маслото од оригано е делотворно против 25 различни бактерии. Делотворно е и против повеќето бактерии кои предизвикуваат инфекции на дебелото црево и уринарниот тракт, тифус, колера, чиреви и кожни инфекции.

Освен што ги уништува бактериите, маслото од  оригано има силно антибактериско дејство, па штити од настинки, грип и заушки.

Агресивните антигливични својства на маслото од оригано ги спречуваат тврдокорните инфекции како кандидијаза, гливички на ноктите и атлетско стапало.

Маслото од оригано би можело да стане дел од терапијата за лечење на рак. Научниците го тестирале дејството на карвакролот на клетките на ракот на простата. Се испоставило дека карвакролот предизвикува состојба наречена  апоптоза – самоуништување на клетките на рак.

Маслото од оригано помага при прекумерно потење и лош здив, при воспаление на мускулите, тетивите, зглобовите, спречува инфекции и се користи како прва помош при каснување од змии и инсекти.