/11 /11

Јунското издание на научниот журнал „Cell proliferation“, ја одбележа четиригодишнината од истражувањето и успешната соработка меѓу тимовите, предводени од проф. Colin McGuckin, од Центарот за крв од папочна врвца во Њукасл, при Универзитетот Њукасл и проф. Larry Denner од Центарот за дијабет - Stark, од медицинскиот оддел при Тексашкиот универзитет (UTMB).

„Овој успех ја покажува важноста од развој на технологии за матични клетки, на глобално ниво. Ова е важен чекор во лекувањето на пациенти со дијабет, но е само една алка во ланецот кој ќе биде потребен” рече проф. McGuckin, кој работи на инситутот North East England Stem Cell (NESCI). Тој додаде: „Со комбинирање на нашите технологии, верувам дека дијабетот може да биде една од болестите, во чија терапија, матичните клетки можат да дадат голем придонес.”

Коавторот од Њукасл, д-р Nico Forraz рече: „Со повеќе од 120 милиони деца кои се раѓаат секоја година, матичните клетки од папочна врвца ќе бидат лидер во развојот на терапијата со матични клетки за пациентите низ светот. Преку 85 состојби веќе може да бидат третирани со крв од папочна врвца. Денес ние сме уште поблиску до додавањето на дијабет тип 1 на оваа листа.”

Студијата насловена како: „Инженеринг на матични клетки од папочна врвца, со цел - создавање на Ц-пептид и инсулин”, детално ја прикажува можноста за создавање на ткиво на панкреас, кое што може да се употреби не само кај пациенти со дијабет, туку и кај пациенти со други заболувања на овој орган. Проф. McGuckin ја кредитираше UTMB – групата (САД), забележувајќи за нивниот придонес: „Galveston има долга историја во медицинските достигнувања и силна определба кон медицинските истражувања.”

(Извор: ‘Инженеринг на матични клетки од папочна врвца, насочен кон продукција на С-пептид и инсулин’ објавен во журналот "Cell proliferation". Копии од весникот може да се добијат во канцелариите за комуникација при Универзитетот Њукасл)