Фото:Canva/Природната подготовка за породување не значи совршен план, туку доверба во сопственото тело и процесот.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Природната подготовка има цел да ? помогне на трудницата да му верува на своето тело, да ја намали анксиозноста и да го доживее породувањето со повеќе смиреност и контрола.

1. Информирајте се бидејќи знаењето носи смиреност

Разбирањето на фазите на породувањето: ја намалува неизвесноста, помага да препознаете што се случува со твоето тело и ја зголемува довербата во процесот.

Затоа читај, слушај искуства, посетувај школи за трудници.

2. Редовно движење и вежби за трудници

Нежното движење: ја зголемува издржливоста, ја подобрува циркулацијата и го подготвува телото за напор.

Препорачливо е: пешачење, јога за трудници и лесни вежби за карлица и грб.

3. Дишењето е вашата најмоќна алатка

Контролираното дишење го намалува стравот, ја смирува болката и го подобрува снабдувањето со кислород.

Вежбајте длабоко, бавно дишење, ритмично дишење при контракции и издишување со звук заради олеснување на напнатоста.

4. Подготовка на карличното дно

Јаките, но флексибилни мускули го олеснуваат породувањето и го намалуваат ризикот од повреди.

Практикувајте правење Кегелови вежби и свесно опуштање кое е подеднакво важно како и јакнењето.

5. Ментална и емоционална подготовка

Стравот создава напнатост, а напнатоста ја зголемува болката.

Во овој случај помага: визуелизација на позитивно породување, афирмации, разговор со партнерот и прифаќање дека секое породување е уникатно.

6. Природни техники за олеснување на болката

• топол туш или када,
• масажа на долниот дел од грбот,
• топли облоги,
• движење и промена на положби.

Овие методи ја поддржуваат природната продукција на окситоцин.

7. Исхрана и хидратација

Во последните недели јадете лесна, хранлива храна, избегнувајте тешка и мрсна храна и внесувајте доволно течности. Сето ова дава енергија која е важна за породувањето.

8. Флексибилен план за породување

Запишете што ви помага да се опуштите, кој сакате да биде присутен на породувањето и вашите желби околу можни и потребни интервенции.

Сепак овој план е водич, а не правило.

9. Поддршка е важна за да знаеш дека не си сама

Емоционалната поддршка од партнер, дула или медицински персонал: ја зголемува самодовербата, ја намалува потребата од интервенции и го подобрува искуството.

Природната подготовка за породување не значи дека се треба да помине без болка, туку со доверба, информираност и поддршка. Колку повеќе се подготвувате толку повеќе му дозволувате на телото да го направи она што природно веќе го знае.