/11 /11

Солариумите можат да го оштетат видот. Сепак, доколку никако не можете да се натерате да го избегнете нездравото „кварцање“, тогаш барем обидете се да го намалите можното оштетување на минимум. Тоа значи дека употребата на заштитните очила при употребата на солариум е задолжителна! Во спротивно, предупредуваат експертите, би можеле да имате сериозни проблеми со видот.

Иако некои жени не користат заштитни очила при користењето на солариумите, оправдувајќи се со тоа што не сакаат да имаат бели кругови околу очите, офталмологите советуваат: Заштитата на очите мора да биде на прво место!

Ако сте уверени дека ќе ги заштитите очите со затворање на очните капаци (мижење), тогаш живеете во сериозна заблуда. УВ зраците од солариумите можат да предизвикаат долгорочна штета, израстоци во очите и рак на кожата на очните капаци.

„Кожата на очните капаци е многу тенка и чувствителна. Затоа таа треба да се заштити од УВ зраци. Ако никако не сакате да го избегнете користењето на солариумите, тогаш задолжително употребувајте заштитни очила. Доколку не го послушате овој совет, би можеле да се соочите со појава на бениген израсток на конјуктивите на очите, познат под името птеригиум, изјавила Dr. Susan Blakeney, специјалист офталмолог.

Солариумите емитираат ултравиолетови А и Б зраци. Тие можат да бидат појаки од сончевата светлина, бидејќи се насочени директно во лицето.

Затоа офталмолозите предупредуваат: Имаме само еден пар очи. Затоа, доколку сакате да го заштитите сопствениот вид, секогаш применувајте адекватна заштита, било да се „пржите“ под обично или под вештачко сонце.

Преземено: www.rak.mk