/11 /11

Тоа е нормално, но исто така е нормално што Вам Ви пречи таквата ситуација. Кога детето протестира против сите Ваши напори да го заспиете или нахраните, сигурно дека многу ќе Ве зачуди  ако дадилката за час успее да го нахрани, или ако без проблем ја изеде изгмечената банана која дедо ќе му ја понуди.

Обидете се тоа да не го земате при срце. Тоа може дури да значи дека Вие и Вашето дете сте оствариле блискост, кажуваат некои педијатри. Според таа теорија, колку детето се чувствува поудобно со своите родители, толку е по непослушно, бидејќи верува дека секогаш ќе бидете со него без оглед што и да направи. Тоа е многу слатко, но не е многу забавно.

Децата  не се воздржуваат пред  родителите

Лекарите се често сведоци дека децата, на кои родителите се жалаат за непослушност, се вистински ангели во ординацијата. Многу деца во градинка и училиште се однесуваат  пристојно, а всушност ги потиснуваат своите чувства. Кога ќе дојдат дома, здивнуваат. Ако детето е необично уморно или многу непослушно, можеби постојат некои проблеми во однесувањето за кои треба да поразговарате со педијатарот.