Храна

/11 /11

Но, што навистина значи? Дали постои една формула што важи за сите? И дали балансираното мени изгледа исто за спортист, трудница или тинејџер?

Одговорот е едноставен и гласи не. Балансираната исхрана е индивидуален концепт кој зависи од бројни фактори: возраста, полот, животниот стил, здравствената состојба, физичката активност и дури и културниот контекст.

Што подразбира „балансирано“?

Балансирана исхрана значи внесување на сите макро и микронутриенти кои му се потребни на телото за нормално функционирање. Тоа вклучува:

• Јаглехидрати потребни за енергија и ги има во: цели зрна, овошје, зеленчук итн
• Протеини, за мускули, имунитет и клетки кои ги има во: месо, риба, јајца, мешунки
• Масти, за хормони и клеточни функции (авокадо, јатки, маслиново масло)
• Витамини и минерали потребни за регулација на телесните процеси (овошје, зеленчук, семиња)
• Вода која има клучна улога

Целта не е само да се консумира здрава храна, туку да има вистински однос меѓу нутриентите, распоредени низ денот, соодветно на потребите на поединецот.

Зошто балансирана исхрана не изгледа исто за сите?

1. Возраст и животна фаза

• Децата имаат потреба од храна што поттикнува раст
• Трудниците треба да внесуваат повеќе фолна киселина, железо и калциум
• Сениорите имаат намалени калориски, но зголемени нутритивни потреби

2. Физичка активност

Атлетите или луѓето што работат физички имаат зголемена потреба за енергија, протеини и електролити, додека личност што има седечки начин на живот бара поинаков внес.

3. Здравствени состојби

• Лица со дијабетес мора да внимават на гликемискиот индекс
• Кај анемија, се бара поголем внес на железо
• Целијакија бара комплетно избегнување на глутен

4. Култура и етика

Вегетаријанци и вегани ќе имаат свои начини на постигнување рамнотежа, користејќи растителни извори на нутриенти.

Како да најдеш што е балансирано за тебе?

Нема една формула што одговара на сите. Но, постојат неколку насоки:

-        Јади разновидно, боите на чинијата често значат и разновидни витамини

-        Внимавај на порциите бидејќи количината е важна колку и квалитетот

-        Избери природна, минимално преработена храна

-        Слушај го своето тело, гладот и ситоста се природни водичи

-        Консултирај се со нутриционист ако имаш специфични потреби

Балансираната исхрана не е диета, тренд или универзална табела. Таа е прилагоден начин на исхрана што ги поддржува твоите потреби, цели и здравје. Најдоброто мени е она што прави да се чувствуваш добро, и телесно и ментално. Запомни: се работи за доследност.