Фото:Canva/Првите четири недели се период на брз развој, адаптација и запознавање со светот.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Во овој период, најважни се растот, адаптацијата и основните рефлекси.

1. Прилагодување на надворешниот свет

По раѓањето, бебето почнува да:

• дише самостојно,
• се прилагодува на температурата надвор од телото на мајката,
• започнува со хранење преку доење или адаптирано млеко.

Ова е голем напор за малото тело, па бебето најголем дел од времето го поминува во спиење.

2. Спиење и будење

Во првиот месец бебето спие многу.

Обично сшие од 16 до 20 часа дневно, се буди на секои 2 до 3 часа за хранење бидејчи сеуште нема воспоставен ритам на спиење.  

3. Исхрана

Исхраната е најважна во овој период.

Бебето јаде често, на кратки интервали бидејќи стомачето е многу мало. Мајчиното млеко или формулата се единствен извор на исхрана.

4. Раст и развој

Иако изгледа мало и мирно, бебето брзо се развива.

Може да се забележи:

• мало зголемување на телесната тежина,
• почеток на координација на рефлексите,
• подобро прилагодување на звук и светлина.

5. Рефлекси кај новороденче

Бебето се раѓа со природни рефлекси кои му помагаат да преживее.

Најчести се: цицачки рефлекс, фаќачки рефлекс, Моро рефлекс т.е рефлексот на изненадување и рефлекс на барање храна.

6. Сетилата се развиваат

Во првиот месец сетилата сè уште се незрели, но почнуваат да се активираат.

Бебето најдобро препознава гласови, особено на мајката, гледа заматено и на кратко растојание, реагира на силни звуци и допир.

7. Емоционална поврзаност

Иако бебето сè уште не ги разбира емоциите, почнува да создава врска со родителите.

Важни се:

• допирот и гушкањето,
• контактот „кожа на кожа“,
• мирен глас и присуство на родителите особено мајката.

Првиот месец од животот е период на адаптација и брз развој. Бебето учи да функционира надвор од матката, се прилагодува на новите услови и постепено воспоставува ритам на спиење, хранење и будење.

Иако изгледа кревко, неговиот организам работи напорно за да се прилагоди на новиот свет, додека најважната поддршка ја добива од родителската грижа и близина.