Боровинки

/11 /11

Еден таков, често потценет, но моќен сојузник е овошјето. Вкусните, сочни и шарени плодови што ги гледаме на пазар се многу повеќе од здрава ужинка. Тие можат да бидат вистинска храна за умот.

Науката сè почесто го потврдува она што го чувствуваме и сами, по оброк богат со свежо овошје, се чувствуваме полесно, посреќно и поенергично. Но, зошто е тоа така?

Овошјето е нутритивна поддршка за мозокот

Овошјето содржи комбинација од витамини, минерали, антиоксиданти и природни шеќери кои директно влијаат врз мозочната функција и емоционалната состојба.

Најважни нутриенти:

• Витамин C кој ги намалува хормоните на стрес (кортизол), а најмногу го има во цитрусите, кивито, јагодите.
• Фолна киселина (витамин B9) која влијае врз продукцијата на серотонин, „хормонот на среќата“. Ја има во бананите, портокалите и авокадото.
• Антиоксиданти кои го штитат мозокот од оксидативен стрес, кој пак е поврзан со анксиозност и депресија. Јагодите, боровинките и грозјето се особено богати со нив.
• Природни шеќери и растителни влакна. Тие обезбедуваат стабилна енергија без пад на расположението, за разлика од преработената храна.

Овошје и расположение. Што вели науката за тоа?

Според неколку студии, луѓето кои редовно јадат овошје имаат: повисоко ниво на енергија, подобро спиење, помалку симптоми на депресија и анксиозност, поголема емоционална стабилност, позитивен однос кон животот и повисок степен на животно задоволство.

Затоа дури и мал внес, како 1 банана или чаша боровинки дневно, може да направи разлика.

Кое овошје е најдобро за мозокот?

Иако од секое овошје имаме придобивки, некои имаат особено силен ефект врз менталното здравје:

• Боровинките се „суперхрана“ за мозокот поради богатството со антиоксиданти
• Бананите се природен извор на триптофан, аминокиселина што го поттикнува серотонинот
• Авокадото содржи здрави масти и фолна киселина
• Цитрусите покрај тоа што не освежуваат, тие ја намалуваат напнатоста
• Јаболкате го стабилизираат шеќер во крвта и влијаат на расположението.

Совети за секојдневна употерба на овошјето како поддршка за умот

• Започнете го денот со овошна чинија или смути.
• Чувајте свежо овошје на видно место. Тоа ќе ве мотивира да го консумирате.
• Комбинирајте овошје со јаткасти плодови за стабилна енергија.
• Заменете ги слатките и грицките со урми, суво грозје или парче ананас.

Поради тоа што храната влијае на емоциите, овошјето е дефинитивно вашиот сојузник

Менталното здравје не зависи само од големите одлуки и терапии, тука се и секојдневните навики. Една јаболка. Една банана. Неколку јагоди. Толку е едноставно. Овошјето не лекува депресија, но помага. Не заменува психотерапија, но поддржува. А најважно од се, тоа е лесно достапно, природно и вкусно.