Зорица Црношија и Татјана Лазаревска

/21 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Почитувани,

Телевизиската емисија наменета за родители „Кој кого расте“ и водителот Зорица Црношија во недела на 14.04.2013 во 10.20 часот повторно ве покануваат на Телма телевизија да ја следите новата епизода на тема: Религија и деца

Во неа отворено ќе да разговараат:

1.            Доц. д-р КаролинаРистова-Астеруд– Професор на Правниот факултет

2.            Петар Ристовски - професор по изборниот предмет Етика на религии

3.            Татјана Лазаревска, естраден уметник

4.            Славица Пенева- педагог

„Треба да инсистираме на децата да им наметнеме морална, индивидуална човечка вредност. Но тие вредности не се само на една религија или едно верско убедување, туку тоа се универзални морални константи кои цивилизациски опстојуваат токму  поради тоа што го воделе општеството напред.

Не убивај, не кради, биди обзирен кон останатите, почитувај ги туѓите права како што сакаш да ги почитуваат и твоите, се начела кои се основа не само на религискиот, туку и на секој правен концепт на една држава“- вели Зорица Црношија, водител на емисијата. 

ОХО како продуцент на „Кој кого расте“ има за цел да ги одгатне дилемите со кои се соочуваат родителите при носењето на секојдневните одлуки- кој е најдобриот начин да се одгледаат децата.

Во таа насока, со емисијата сакаме да ги поттикнеме останатите медиуми, новинари и креатори на јавното мислење заеднички да обрнуваме и третираме теми кои ги засегаат родителите и децата.

Одговорност на тимот кој стои зад „Кој кого расте“ е континуиран развој на заедницата во која дејствуваме, за таа цел обработуваме теми кои се значајни и актуелни.

На нашиот канал на Youtube:Кој кого расте, можете да ги гледате сите епизоди, а во меѓувреме пишете ги вашите приказни, желби и впечатоци на kojkogoraste@oxo.org.mk и Facebook страната на „Кој кого расте“.

Со почит, ОХО