Фото:Canva/Начинот на кој го распределуваме времето директно влијае на нашиот стрес, односи и животни цели.

/11 /11

Времето не може да се врати назад. Не може да се купи, не може да се позајми, не може да се стопира. И токму затоа е највредното нешто што го поседуваме.

Секој миг што го подаруваме некому е дел од нашиот живот што засекогаш го оставаме таму. И затоа е толку важно на кого му го даваме и на што го посветуваме.

Времето потрошено со вистинските луѓе е секогаш добро потрошено време
Разговори што лечат. Насмевки што остануваат во сеќавање. Моментите кога не се брзаме никаде, туку само сме. Тоа се мигови во кои срцето си вели: „Ова е живот.“

Но постои и една друга страна времето што го даваме таму каде што нè исцрпува, каде што нè нема, каде што сме само присутни, но не и живи. Со тек на време, учиме да ја препознаваме разликата.

Животот не бара да правиме големи чекори
Бара да бидеме присутни во малите моменти. Да се појавиме за оние што ги сакаме.
Но пред се да се појавиме за себе кога сме си потребни.

Затоа денес бидете благодарни за миговите што ги споделуваме со себе, со другите, со животот.

Афирмација за денес:

„Моето време е драгоцено. Го давам таму каде што има љубов, мир и смисла.“

Нека денес те потсети да го чуваш твоето време како нешто свето.
Да го даваш свесно и да живееш така што секој ден ќе остави убав траг во твоето срце.

Ваша Рингераја.