/11 /11

Мајката, позната само под името Шара (24), стигнала во болницата во Мизар-е-Шариф во понеделник и истиот ден родила три момчиња и три девојчиња. Тоа за неа била прва бременост.

Докторите велат дека вакви случаи, без вештачко оплодување се премногу ретки.

Стапката на наталитет и морталитет во Авганистан е помеѓу највисоките во светот.

Шефот на регионалниот оддел на Министерството за здравство, Мирваис Раби за BBC изјави дека сите шест бебиња се добро, но и дека се премногу мали. Едното од нив тежи само 700 грама.

Раби додаде дека шесторката е во инкубатори, а за нив се грижи посебен тим на доктори и медицински сестри. Мајката е добро, но е исцрпена.

Докторите велат дека да знаеле дека носи шест деца, барем неколку дена пред породувањето, би ја задржале во болница.