/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Испитувањата на лабораториски глувци инфицирани со ХИВ покажа дека иако некои од нивните потомци се заразиле со вирусот, мајчиното млеко имало силен антивирусен ефект врз нив.

Повеќето од младенчињата кои биле доени од инфицирана мајка не добиле ХИВ инфекција и покрај нивната постојана изложеност на истата.

Лидерот на студијата Д-р Виктор Гарсија од Универзитетот во Северна Каролина во САД рече: “Оваа студија нуди значаен увид во неверојатната способност на мајчиното млеко да го уништи вирусот на ХИВ, или да го спречи неговото ширење.”

“Ниедно дете не би требало да се зарази со ХИВ преку доење. Доењето го намалува ризикот од заболувања, овозможува исхрана со најважните нутритиенти и штити од други инфекции, посебно во местата каде чистата вода за подготовка на адаптирано млеко е дефицитарна.”

Разбирањето на тоа како ХИВ се пренесува на бебињата и децата и покрај заштитното дејство на мајчиното млеко, ќе ни помогне да ја затвориме оваа важна врата за ширење на сидата.

Научниците го спроведоа своето истражување врз генетски модифицирани, хуманизирани глувци кои можат да се здобијат со ХИВ на ист начин како и луѓето. Кога на глувците им бил даден вирусот на СИДА во мајчино млеко, тие не биле заразени.

Овие откритија се објавени во интернет журналот Public Library of Science Pathogens.

Авторот на студијата Д-р Ангела Вал рече: ”Овие резултати се многу значајни затоа што покажуваат дека мајчиното млеко може целосно да го блокира оралното пренесување на двете форми ХИВ кои се наоѓаат во мајчиното млеко од ХИВ инфицираните мајки – честички на вирусот и вирусно инфицирани клетки. Ова ја побива хипотезата “Тројански коњ” во која се вели дека вирусот на ХИВ во клетките е потврдоглав од одбрамбената моќ на телото отколку ХИВ вирусот во честички.”