/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Зад оваа идеја стои скопската градинка Раде Јовчевски Корчагин на чело со директорката Злата Николиќ. Целата реализација е благодарение на посветеноста на сите вработени во градинката, а се со цел создавање на здрави и културни генерации. Мјузиклот е според идејата на Злата Николиќ и според сценарио и режија на Афродита Кирјаковска. Автор на музиката е Борислав Јоргушески, а за костимографијата и кореографијата се погрижија Ратка Џамбазова Коцев и Ема Достинова. Зад продукцијата се потпишува ДО РЕ МИ, гитара Виктор Захариев и координатор Лидија Поповска.
Главни јунаци се секако децата од градинката кои ги играат улогите за овошјето и зеленчукот. Останати носители на дејството се Кралот Кромид-Кире Ристески, Кралицата Јаболко-Анастасија Низамова, Учител-Светлана Лукарова, Раскажувач-Илина Матеска, Сестра-Божана Гошева, Брат- Симеон Гошев и Хор-Воспитувачите од градинката.

Овошјето на чело со својата кралица-Јаболкото и зеленчукот со својот крал-Кромидот, се натпреваруваат “Кој е поважен за децата и нивното здравје”. Додека тие војуваат, братот јаде нездрава храна од која се разболува. Сестрата ги моли овошјето и зеленчукот да му помогнат во исхраната на братот за тој да оздрави. Така и се случува благодарение на љубовта, овошјето и зеленчукот се здружуваат, му помагаат на братот да се храни правилно и да оздрави. На крајот ЉУБОВТА ПОБЕДУВА СЕ!
Ваквата иницијатива и посветеност за правилниот развој на децата, не убедува дека од првата инстанца на воспитна институција излегуваат правилно оформени здрави луѓе.

Лице за контакт:
Борислав Јоргушески
078 313 607