Емоциите на Јања преточени во стихови.

/21 /11

Приказната за нашата драга Јања започна на 1.Јули 2010 година. Членовите на Рингераја уште од поодамна ја познаваат Јања, виртуелно како Агнес77, а некои ја познаваат и лично. Дружејќи се виртуелно, ја знаевме и нејзината животна приказна за посвојување на дете од Македонија. Сето ова познанство беше на база на разменување на чувства, мислења, совети и охрабрувања, од секојдневните наши и нејзини  проблеми, преку форумите. Јања имавме можност и лично да ја запознаеме летото 2009 година на дружба во Градски парк, кога на сите присутни Рингерајчиња освен што им подари играчки, им подари и неизмерна љубов. Неизмерната хуманост и љубовта кон дечињата без родителска грижа, Јања ја покажа и со најголемата донација од сите донатори, за дечињата од домот „11. Октомври“, при реализација на акцијата „Заедно растеме со децата без родителска грижа“, во Март 2010 година.

Нејзините познавања на сите аспекти на посвојувањето и одгледувањето на посвоеното дете, несебично и постојано ги споделуваше во темите наменети за Посвојување на деца, на кои подоцна стана и модератор. Преку дружењето на форумите и желбата која ја водеше, Јања многу добро го научи македонскиот јазик. На среќата и немаше крај кога Јања во Мај 2010, објави дека таа и нејзиниот маж се избрани од центарот како најпримерни посвоители на две ромски близначиња. Од нејзината и наша неизмерна радост се роди темата Агнес ги очекува близнаците. Во Јуни 2010 на истата тема започна да се создава виртуелен список на сите корисници кои заедно со Јања ја чекаа одлуката на комисијата.

Бидејќи животната приказна на Јања стана речиси знак за препознавање на Рингераја.мк,  решивме да ја преточиме во една убава, вистинска приказна. Така на 1. Јули 2010 година го објавивме интервјуто насловено: Интервју со Јања Батич алијас агнес77, кое набргу беше преведено и објавено во повеќе земји во регионов. За кратко време го доби приматот -најчитан текст на Рингераја, а и текст со најмногу “likes” од Рингераја корисниците на Facebook. Целиот регион (Македонија, Словенија, Италија, Србија, Босна, Хрватска и пошироко во Европа) секој момент го чекаше среќниот крај на приказната за Јања. Но, крајот на Јули 2010, корисниците од целиот регион беа шокирани, кога дознаа дека предметот на Јања е префрлен во друг центар и вратен на самиот почеток. Петицијата „Минута од вашето време за вечна љубов“ е само крик на цела Европа, која сака што поскоро да го прочита крајот на приказната. А крајот на оваа приказна ќе биде крај, само доколку е среќен...