/11 /11

Полицијата по прилогот на Сител поднесе пријави за одземање на детето но не успеа да ги натера поранешниот Врховен судија и неговиот син да ја откријат локацијата на која вешто го кријат девојчето.

Повеќе од 1 месец трае потрагата на полицијата по малата Александра. Мајката во очај веќе кампува пред институциите.  Денеска добила ветување од  Скопскиот Јавен обвинител дека на голготата ќе и дојде крајот.

Поранешниот Врховен Судија Александар Бошњаковски минатата недела пред камерата на Сител призна дека неговата 6 годишна внука е кај него и дека нема намера да ја почитува одлуката на судот со која мајката е старател на девојчето.

Пред полицијата пак и судијата Бошњаковски и неговиот син одбиваат да откријат каде е детето. Што се ќе биде превземено за пронаоѓање на исчезнатото дете ќе треба да одлучат јавниот обвинител и судот.

И додека институциите трагаат по малата Александра се мобилизираат и граѓаните преку социјалните мрежи.  Стотици граѓани за помалку од два дена станаа дел од групата која бара враќање на Александра кај нејзината мајка.

Славица Арсова

Извор: Сител