Чистење дом

/11 /11

Правило од 2 минути – исчистете веднаш

Ако нешто можете да го исчистите или средите за 2 минути или помалку, направете го тоа веднаш. На пример:

• Избришете ја масата по јадење
• Спакувајте ја облеката што ја пробале, а не сте ја носеле
• Фрлете го ѓубрето

Ова го спречува натрупувањето на хаосот.

Кога предметите не се на свое место

Поставете кошница или кутија во дневната или ходникот каде што ќе ги фрлате предметите што не се на своето место (на пример: далечински, чорапи, детски играчки). Кога ќе имате време, само распоредете ги каде што треба.

Средување по зони, не цел дом одеднаш

Наместо да се обидувате да го исчистите целиот дом одеднаш, фокусирајте се на една зона дневно:

• Понеделник: кујна
• Вторник: купатило
• Среда: дневна соба
  … и така натаму.

15–20 минути дневно се доволни!

Држете ги средствата за чистење каде што ги користите

На пример, имајте посебен сет за чистење во купатило, без да одите до кујната. Така, кога ќе видите дамка, веднаш ќе ја исчистите без одложување.

Вклучете ја целата фамилија

Не морате сами сè да правите. Вклучете ги и другите:

• Децата нека ги редат играчките
• Партнерот нека избрише прашина
• Секој нека си средува по себе

Малите задачи во кои што се вклучени сите, се завршуваат брзо.

Наместете го креветот веднаш штом станете

Ова изгледа како мала навика, но визуелно прави огромна разлика. Креветот што е наместен веднаш создава чувство на ред и чистота, дури и ако има неред наоколу.

Користете мултифункционални средства

Не морате да имате посебен спреј за сè. Изберете универзално средство што чисти и стакло и плочки и дрво. Така ќе заштедите и време и пари.

Држете влажни марами во кујната и купатилото

Идеални се за брзо бришење на површини, флеки на мебел од кафе, флеки од сапун или мијалник по миење заби.

Користете рутински тајмер

Ставете тајмер на 15 минути и чистете што ќе стигнете во тој период. Кога знаете дека има крај, помотивирани сте. Дури и 10 минути се доволни за „визуелна“ разлика.

Прилагодете го домот да собира помалку неред

Колку помалку предмети имате во домот, толку помалку имате за чистење.

-        Изберете функционален мебел (со скриено складирање)

-        Секој месец исфрлете или донирајте ги предметите што не ги користите

-        Организирајте полици, фиоки и кошнички по категорија

Бонус совети: 

-        Правете 5-минутно вечерно средување,соберете предмети, избришете маси 

-        Имајте корпа за алишта за перење во секоја спална соба 

-        Разберете дека не мора секогаш да биде совршено, доволно чисто е доволно добро 

Со овие мали, но ефективни трикови, вашиот дом ќе изгледа почист, а вие ќе се чувствувате многу помалку преоптоварено. Домот е да биде удобен и пријатен за живеење, а не да биде перфектен.