/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Војвотката од Кембриџ, Кејт Мидлтон заедно со принцот Вилијам, ја посети Шкотска оваа недела и доби прекрасен шкотски подарок.

Принцот Вилијам и Кејт, беа забележани како насмеано го прифаќаат подарокот,  во MacRosty парк, каде беа поздравени од локалното население кое ги гледаше со восхит. Големата плишана играчка, беше со килт – парче облека, симбол на Шкотска.

Помеѓу другите подароци кои ги доби кралската двојка беше и плишано кученце (омилената раса на кралицата), наменето за 10 месечниот принц Џорџ. Книгата Jake’s Bones на 12 годишен автор исто така се најде меѓу подароците за малиот принц, а авторот доби можност подарокот да го врачи лично.

Нивната обиколка ја продолжија попладнето во Glenturret Distillery каде го дегустираа познатото Famous Grouse шкотско виски и позборуваа со локалните претставници на заедницата. Имаа можност да научат за нациналниот пијалок на Шкотска и најстарата Шкотска дестилерија од 1775 година. На крајот принц Вилијам и војвотката од Кембриџ го посетија селцето Forteviot за да уживаат во прославата. Forteviot бил некогаш главен град на Шкотска, а сега е место на археолошки ископини.

Во Шкотска, принцот Вилијам и Кејт се познати како Ерл и грофицата од Strathearn и ова е прв пат да се појават таму откога се венчаа во април 2011 година.