/11 /11

Финска

Традиција стара 75 години: Наместо во дрвена лулка или креветче, во Финска децата често се ставани во картонска кутија, а тоа понекогаш се прави и денес, а на мајката и се подарува перница со големина на кутијата. Оваа традиција е стара 75 години, а започнала во периодот на сиромаштијата, во која стапката на смртност на новороденчињата била висока, а симболизирала сите бебиња да имаат еднаков почеток во животот.

Бугарија

Возрасните не смеат да му ласкаат на детето. Според бугарската легенда ако возрасните го прават тоа пред детето, ѓаволот може да стане љубоморен и да го украде детето. За злите сили да помислат дека детето е непосакувано и за да не му наштетат, возрасните треба да го поплукаат детето  да речат: “Да те покакаат кокошките”.

Кореа

Хектолитри супа од алги за леунките. По породувањето жените од Кореја треба строго да мируваат 21 ден, за да се опорават. Во тие три седмици можат да јадат само топла храна и топли напитоци. Исто така, новопечената мајка треба секојдневно да јаде голема количина супа од алги, која би требало да го забрза опоравувањето по породувањето.

Кина

Откако бебето и мајката ќе се вратат од болница, повеќето родители воспоставуваат режим на хранење и спиење. Кинезите на тоа додаваат уште нешто друго, а тоа е привикнување на нокшир. Тој процес започнува кога бебето ќе почне само да ја држи главата, што понекогаш се случува и со полни два месеци. Тогаш родителите го седнуваат бебето на нокшир и имитираат звуци на вршење нужда, со цел бебето побрзо да се одвикне од пелени.

Ирска

Ако мислите дека сте ја чувале свадбената торта предолго, размислете, бидејќи во Ирска постои традиција да се чува горниот спрат од тортата се додека не се роди детето. Тогаш тортата се рони на главата на бебето, како симбол на кругот на животот, а гостите можат слободно да го изедат остатокот од тортата.

Пакистан

Бричење на главчето: Во Пакистан постои обичај да се избричи главата на бебето во првите седум денови по раѓањето.  Родителите потоа треба да ја извагаат косата и да дадат онолку грама злато колку што тежи косата, во добротворни цели.