/11 /11

Австралиските лекари открија начин за намалување на дел од ризиците кај бебињата родени во седмиот месец и порано. Формулата е едноставна и се крие во внесувањето на т.н. корисни бактерии.

Бебињата родени пред 32-седмица се силно подложни на здравствени проблеми, особено во првите години од животот. Едни од најчестите проблеми се цревните, меѓу кои и некротизирачкиот ентероколит.

Тоа е болест на гастроинтестиналниот тракт кај новороденчето и без итно лекување може да има фатални последици. Неодамна, австралиските лекари почнаа успешно да применуваат нов метод за намалување на ризиците до минимум. Формулата се покажа едноставна – пробиотици помешани со мајчино млеко.

Методот е толку успешен што веќе се применува во 10 австралиски болници и Нов Зеланд.