Бремена жена Бремена жена и пушење

/11 /11

Што се случува кога бремената жена пуши?

Тутунскиот чад содржи огромен број хемикалии изразен во илјади, од кои многу се токсични, а најопасни за бременоста се: 

• Никотинот кој ја стеснува папочната врвца и го намалува протокот на кислород
• Јаглеродот моноксид кој се врзува за крвта и го заменува кислородот што му е потребен на фетусот
• Катранот кој остава токсични траги што влијаат на органите во развој

Ризици за бебето:

• Ниска тежина во текот на развојот на фетусот и при раѓањето
• Предвремено породување кое пак носи дополнителни ризици
• Спонтан абортус или мртвороденче кој може штетно да влијае физичи и психички кај жената
• Синдром на ненадејна смрт кај новороденчиња (SIDS)
• Нарушен развој на мозокот, белите дробови и срцето кои може да доведат до сериозни компликации, а може да бидат и фатални
• Поголема веројатност за астма, инфекции и проблеми со учење подоцна во животот кои влијаат на нормалното фунционирање на детето во општеството

Ризици за мајката:

• Зголемен крвен притисок
• Прееклампсија
• Намалена плодност
• Проблеми при породувањето
• Потешко закрепнување по раѓање

Што може да се направи?

Секогаш е корисно да се престане со пушење без разлика дали жената е бремена или не. Но кај бремените жени може да престане дури и ако бременоста е веќе во напредна фаза. Престанокот веднаш влијае позитивно така што: ја зголемува плодноста, ги намалува причините за ризична бременост, го зголемува дотокот на кислород до бебето, ја намалува опасноста од компликации, ја подобрува физичката и психичката состојба на мајката итн.

Поддршка за откажување:

• Советување со гинеколог или матичен лекар кои ќе ви помогнат во откажувањето
• Поддржувачки програми за престанок со пушење кои редовно треба да ги посетувате
• Психолошка поддршка, посоветувајте се со психолог или психијатар
• Избегнување на средини со пасивно пушење