/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Грешката се случила на 4 декември, кога 4 различни двојки биле подложени на Ин витро оплодување во Sandro Pertini Hospital во Рим. Италијанскиот весник La Stampa известува дека не е јасно како се случила грешката на жената да и бидат имплантирани погрешни ембриони при постапката Ин витро.

Италијанското Министерство за здравство, на чело со министерката Beatrice Lorenzin известува дека во болницата ќе се врши испитување дали била почитувана постапката и процедурите на Ин витро.

“Националните стандарди при потпомогнато оплодување, кои се базирани на европските норми, се многу ригорозни и гарантираат следливост на биолошкиот материјал кој се користи во репродуктивниот процес”, изјавува министерката.

Локалните здравствени власти во Рим изјавуваат дека станале свесни за постоењето на некоја генетска инкомпатибилност меѓу бремената жена и плодовите на 27 март.

Истрагата ќе биде спроведена од генетичарот Giuseppe Novelli, кој ќе испитува и дали има дополнително мешање на ембриони и кај останатите жени оплодени тој ден.

Ова не е прв пат да бидат имплантирани ембриони на друга двојка во жена.

Во 2010 година во Америка на Carolyn Savage и било кажано дека е бремена со ембрион на друга двојка, кога била во вториот месец од бременоста. Од болницата и било кажано дека може да изврши абортус, или да биде сурогат мајка на бебето кое го носи.

Водејќи се од своите строги религиозни принципи, Carolyn Savage го родила бебето, поминала само еден час со него по раѓањето, а потоа им го предала на родителите.