/11 /11

Повеќе од 5.000 активисти на групата Anonymous дејствувале координирано при блокирањето на веб-страниците на американското Министерство за правда, на Филмската асоцијација на Америка и на Асоцијацијата на музичката индустрија на Америка. Како последица на нападот од вчера овие три сајта се недостапни.

Како повод за оваа акција групата ги наведе лошите закони за антипиратерија и цензурирање на интернетот, со кои американската администрација ќе може да побара затворање на некоја интернет страница. Недостапни се страниците Megaupload и MegaVideo, кои се едни од најкористените страници за симнување филмови, видеа, музика.

Од „Анонимни“ соопштија дека е „време за акција“ со што ги најавија следните свои активности – се претпоставува дека би можеле да ја нападнат и фирмата Сони која дала поддршка на овие закони.

Покрај веќе срушените страници, анонимните хакери најавиле и напади на други цели, како страницата на Белата куќа, но се чини дека до сега, тие страници се’ уште не успеале да ги срушат.