/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Дојките во бременоста се менуваат и се подготвуваат за својата улога – лактација. Во бременоста се развиваат и млечните канали  и млечните меурчиња, а промените се случуваат и на брадавиците кои стануваат набрекнати и чувствителни. Градите се подготвуваат за доење, кое ќе следи веднаш по породувањето. Понекогаш колострумот се појавува и пред породувањето, но тоа е сосема нормално и може да се случи кај сите жени, независно од големината на градите.

Не е потребна никаква посебна подготовка на градите за доење, во смисла мачкање со разни кремови и масти. Напротив, сето ова може негативно да влијае  на ефективноста на работата на Монтгомериевите жлезди и да придонесе кон настанување на проблем при доењето.

Уште на почетокот на бременоста може да се забележи зголемување на Монтгомериевите жлезди – тоа се мали испакнатини кои личат на мозолчиња и кои се наоѓаат на кожата на ареолите. Нивната улога е лачење на материи кои ги подмачкуваат и штитат градите од инфекции.

Што можете да направите за своите гради во бременоста?

• Градите во бременоста се зголемуваат. Заради тоа исклучително е важен добар градник. Тоа не смее да ве стега и затоа е потребно во бременоста да се менува неколку пати.
• Можете нежно да ги масирате градите.
• Внимавајте на хигиената.
• Ако чувствувате топлина во градите можете да си ставите ладни облоги.
• Ако забележите оток, црвенило или болни места на градите, може да се обратите кај вашиот лекар.

Упорност во првите денови

За успешно доење пресудна е квалитетната едукација. Научете ја теоријата на исправна положба за доење – се мисли на две работи: положба на бебето во однос на мајката и прифаќање на дојката од страна на бебето.

По породувањето е добро брадавиците да се намачкаат со колострум и да се остават да се исушат. Здравата ѓена е во можност да го дои своето дете независно од тоа дали има мали или големи гради. Според Светската здравствена организација 99% од мајките можат да го дојат своето дете, само во прашање  е колку се упорни да успеат и колку околината се меша во процесот на воспоставување на доење во првите неколку денови по породувањето. Само мал број на жени реално нема да можат да дојат заради некои телесни болести или сосема непредвидени животни ситуации.