/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Доенче во третиот месец во положба на стомак – ја подига главата за четириесет и пет до деведесет степени, ги подига градите и кога се потпира на раце поставени напред, поактивно ги набљудува предметите пред себе. Во положба на грб – го следи предметот кој се движи во средна линија и ги крева рацете кон предметите. Брзо свртува поглед од еден на друг предмет, си игра со тропалка. Распознава шише или дојка и реагира. Интензивно гуга и им се насмевнува на познати лица.
Ако цврсто ја држи главата, не мора повеќе да му ја придржувате кога го носите в раце. Тогаш може да го држите исправено до вашето тело, на кое се потпира со предната страна или со грбот. Последната положба му е омилена бидејќи може поубаво да го набљудува светот околу себе. Во секој случај, бебето станува неодоливо! Барем така им изгледа на „надворешните набљудувачи“.
Во први три месеци бебето расте 3,5 цм. во должина месечно, а напредува во просек 30 грама дневно. Значи едно доенче на 3 месеци е подолго за 10,5 цм. и најмалку 2500гр. потешко од родилната тежина. Но, потсетуваме, секое бебе напредува индивидуално!

Начини за СТИМУЛАЦИЈА на развојот на Вашето бебе:

- Зборувајте, смејте се, комуницирајте и играјте си со бебето,
- Поставете го на стомак или држете го во полуседечка позиција за да си игра,
- Нудете му играчки, тропалка за да посегнува по нив, мала играчка за да може да ја зграпчи со рака,
- Тресете ја тропалката во детската рака, ако тоа самото не го прави бидејќи децата учат преку практични искуства.