/11 /11

Најчест облик на алергија е алергија на полен, која уште се нарекува и поленска кивавица. Обично почнува во март и може да трае се до крајот на октомври, а ја предзвикува поленот од тревата, дрвата и плевелот.

Како да препознаете алергија?

• црвени и надразнети очи кои солзат
• кивање
• течење на воден секрет од носот
• отеченост на носната слузница
• чешање и црвенило
• сува кашлица
• отежнато дишење
• црвенило на кожата, контактен дерматитис

Што да направите за да ја задржите алергијата под контрола?

• редовно чистете ги и менувајте ги филтрите во клима-уредите
• избегнувајте отворен простор за време на најголемата концентрација на полен
• проветрувајте го домот во текот на ноќта
• пред спиење истуширајте се и измијте ја косата
• избегнувајте чад од цигари

Настинката и поленската кивавица се слични, па понекогаш е тешко да се разликуваат. На настинка упатуваат општите симптоми: температура, кашлица или епидемиолошки причини. На алергиски ринитис упатува појавата на симптомите во одреден временски период и по остварен контакт со надворешен фактор. Алергиските симптоми се долготрајни и се смируваат со терапија, а симптомите на настинка престануваат сами.

Што е целогодишен алергиски ринитис?

Во целогодишниот алергиски ринитис  тегобите не се јавуваат сезонски, туку во било кој периот од годината. Оваа болест е предизвикана  од алергени со кои сме во контакт во текот на целата година. Најчести причинители на целогодишен ринитис се грињите, куќната прашина и животинските влакна. Треба да се истакне алергијата на мачки и кучиња, која е најчеста.

Кои се знаци на болеста?

Знаци на целогодишен алергиски ринитис се:  чешање, чувство на полн и непрооден нос, кивање, шмркање, обилен воден секрет и отсуство на чувство за мирис. Симптомите се обично упорни, тешки и долготрајни.

Прва помош кај алергиите

Врз база на истражувањето спроведено на 12.000 испитаници, произлегло дека алергиите кои ги предизвикува поленот се најраширени, а после нив следуваат алергиите на прехранбени производи, најчесто на овошје и зеленчук.

Од инхалациските алергии најчеста е алергијата  која ја предизвикува поленот од чемпрес. Порано се сметаше дека главни причинители на алергија се млекото и јајцата, но сега се знае дека тоа се овошјето и зеленчукот. Кај децата сеуште преовладуваат алергиите на млеко и јајца, но со текот на времето исчезнуваат.  Главен виновник во растенијата кој предизвикува алергии е природниот молекул на LTP, кој најмногу го има во кората на растенијата.

Околу 20% од лицата алергични на таа супстанција, проблемот можат да го решат така што ќе го излупат овошјето, со што се отстранува 80% од приситниот молекул на LTP. За преостанатата популација таа постапка не е доволна и мора да се одрекнат од консумирање на овошјето/зеленчукот на кој се алергични.

Во прилог е табела на најчестите причинители на алергии и период од годината во кој се најизразени:

Концентрација на полен

Ниска - само изразито алергичните лица ќе имаат проблем

Умерена - Поголем број алергични лица ќе имаат проблем

Висока и многу висока - сите алергични лица ќе имаат проблем