/11 /11

Ако одлучите да прифатите гости наскоро по раѓањето ќе се убедите дека моментот не е особено погоден и е подобро да се почека.

Гостите не можат да ви помогнат реално со бебето

Секој вели дека има огромна желба да дојде и да ви помогне со бебето. Но бебето има многу поголеми потреби, отколку луѓето замислуваат. Не е толку лесно само да го занимаваат, додека мајката работи нешто друго.

Вистинската помош се состои во тоа да помагаш во хранењето, држењето, капењето, повивањето, а тоа се активности кои припаѓаат исклучиво на родителите. Тие се и најтешкиот дел од одгледувањето на едно дете.


Бебето нема да го прави она што вашите гости сакаат

Повеќето луѓе доаѓаат да го видат бебето со идеја дека ќе си играат со него. Ова се случува доста подоцна, кога бебето ќе стане контактибилно, кога ќе почне да оди и да зборува. Новородените бебиња не се особено погодни за покажување пред пошироката јавност, бидејќи тие претежно спијат и јадат во овој почетен период.

Значи, гостите можат да останат разочарани дека едноставно ќе им покажете бебето за малку и ќе го врати во собата каде си спие на мирно.

Доите постојано

Не заборавајте дека и во овој почетен период доењето е многу интензивно и примањето на гости е несоодветно и од таа гледна точка. За некои мајки јавното доење не е проблем, но за повеќето тоа е интимен момент, на кој не треба да бидат сведоци сите ваши роднини и пријатели.


Хормоните ви беснеат

Во почетокот многу мајки не знаат како да делуваат, како да реагираат и што е правилно во одгледувањето на бебето. Тоа е така заради недостаток на искуство, а и заради беснеењето на хормоните.

Додека тие се смират веројатно нема да ви е до гости, затоа не правете грешка да предизвикате уште нервози со цела толпа од луѓе, кои сакаат да го видат бебето.

Сеуште закрепнувате од раѓањето

Закрепнувањето е бавен процес кој кај сите родилки се одвива со различно времетраење. Имајте го тоа во предвид, бидејќи нема да се чувствувате особено удобно ако ви дојдат многу гости.

Ќе добиете несакани совети

Не е познато зошто, но сите гости се чувствуваат должни да ги споделат своите искуства или да даваат совети без дури и да имаат деца - нешта кои ги слушнале од пријателите, од баби, дедовци и така натаму.

Ќе се зачудите колку непотребна информација ќе добиете и колку непријатно ќе ви стане, бидејќи во повеќето случаи советите не се побарани, ниту ви се потребни.

Потребна е тишина

Во овој ран период бебето има потреба од страшно многу спиење. Знаеме дека бебињата имаат потреба и од многу тишина, за да спијат нормално. А ако имате гости, тишината тешко може да се чува.