Фото:Canva/Дохраната не е тест за „добар родител“, туку процес на учење и градење здрав однос со храната.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Во реалноста, токму во овој период се прават и најмногу грешки, најчесто од добра намера.

Еве кои се најчестите и како да ги избегнете.

1. Започнување прерано или предоцна

Многу родители започнуваат со дохрана пред 4тиот месец или чекаат значително подолго од препорачаното.

Факт е дека најсоодветниот период е околу 6тиот месец, кога бебето може да седи со поддршка, кога покажува интерес за храна и ја губи рефлексот да ја турка храната со јазик.

2. Прерано заменување на доењето со дохрана

Дохраната во почетокот е дополнување, не замена за мајчиното млеко или формулата.

Грешка е очекувањето бебето веднаш да изеде „оброк“. Првите недели се за осознавање на вкусовите и текстурата и за навикнување на дохраната, а не за ситост.

3. Претерана грижа околу количината

Броење лажички и споредување со други бебиња создава непотребен стрес.

Запомнете дека бебето најдобро знае колку му е доволно. Присилувањето може да доведе до одбивање на храна.

4. Премногу брзо воведување повеќе намирници

Некои родители воведуваат повеќе нови вкусови одеднаш.

Препорака е да воведувајте една нова намирница на 2 до 3 дена за полесно препознавање на евентуални реакции или алергии.

5. Додавање сол, шеќер или зачини

Бебешките бубрези и дигестивниот систем сè уште се незрели.

Важно е оброците да бидат без сол, без шеќер и до една година без мед.

6. Игнорирање на сигналите на бебето

Вртење на главата, затворање на устата или плач се знаци дека бебето е заситено или не е подготвено.

Хранењето треба да биде смирено без притисок и во ритам со потребите на бебето.

7. Страв од текстури

Долгото задржување само на пасирана храна може да создаде потешкотии подоцна.

Со тек на време постепено воведувајте погусти текстури и дозволете бебето да истражува со рацете.

8. Прескокнување намирници богати со железо

По 6тиот месец, резервите на железо почнуваат да се намалуваат.

Важно е да се вклучат месо, леќа, жолчка од јајце и збогатени каши.

9. Хранење на брзање или пред екрани

Телевизорот или телефонот го одвлекуваат вниманието и го нарушуваат чувството за глад и ситост.

Хранењето треба да биде фокусирано и време наменето за поврзување.

10. Очекување дека бебето веднаш ќе сака сè

Одбивањето на нова храна е нормално. Понекогаш се потребни 10 до 15 обиди пред прифаќање на нов вкус.

Воведувањето дохрана не е трка, туку процес. Најважни се трпението, довербата во бебето и прифаќањето дека секое дете има свое темпо.

Колку помалку притисок правите толку е поголема љубовта кон храната.