/11 /11

Бројте хранливи состојки, а не калории

Поголемиот дел од жените се свесни која храна е препорачливо да ја избегнуваат во бременоста: свежо сирење, пршута, непастеризирани млечни производи итн. Но, акцентот честопати се става на храната која треба да ја консумирате. Одбегнувајте да јадете за двајца и внимавајте храната која ја јадете да биде хранлива, а не калорична.

Договорете ултразвучен преглед

Во првите шест до девет недели, ултразвучниот преглед знае да биде несигурен.

“Ултразвучниот преглед најчесто се изведува до крајот на 12-та недела од бременоста, со што се одредува дали станува збор за уредна или патолошка бременост и може прецизно да се одреди траењето на истата и бројот на плодови”.

Вонматеричната бременост се јавува кога фетусот се развива надвор од матката, обично во јајцеводите. Таа може да биде опасна по животот на мајката и нема начин за спасување на фетусот. Најчести симптоми се болки во стомакот, крварење, гадење, повраќање итн.

Посебно силната болка во стомакот која жените знаат да ја опишат како убод од нож, во поголемиот дел од случаите е знак за пукнати јајцеводи и бара итна хируршка интервенција.

Доколку имате негативна крвна група (RH-), а бебето носи позитивна крвна група, тоа може да предизвика бројни компликации. Штом забремените, треба да направите едноставен тест со кој би ја одредиле вашата крвна група доколку сè уште не ја знаете. Доколку во текот на бременоста дојде до контакт на мајчината крв со крвта на бебето, може да дојде до имунолошки одговор на мајчиното тело. Со тоа може да дојде до уништување на бебешките црвени крвни станици кои предизвикуваат анемија.

Затоа секоја мајка со RH- негативен фактор, во рок од 72 часа по породувањето треба да прими инјекција која спречува создавање на антитела во крвотокот.