/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ако во првото тромесечје повеќе слабеете отколку што се поправате, нема место за грижа: вашиот желудник е вознемирен заради вашите чувства и утринските мачнини. Добивањето на тежина се очекува дури од четвртиот месец. Тогаш би требало да добивате околу 300 грама неделно, а во последните недели околу половина килограм. Ако пак некоја жена премалку се здебели, постои опасност бебето да гладува.

Жените кои се подебели честопати стравуваат од следново: прекумерната тежина го зголемува ризикот од зголемен крвен притисок или труднички дијабетес. Но и покрај тоа, бременоста не е време во кое се започнува со диета. Така само можете да му го скратите на бебето тоа што му е потребно. Затоа, послушајте го советот од лекарот кој ќе ви каже како најдобро да постапите.

КАКО СМЕЕ ДА РАСТЕ ИНДЕКСОТ НА ТЕЛЕСНАТА ТЕЖИНА?

БМИ на почетокот на бременоста – Препорачан раст на тежина во текот на бременоста

• Низок (помал од 19,8) – од 12,5  до 18 килограми

• Среден (19,8 до 26) – 11,5 до 16 килограми

• Висок (повисок од 26) – 7 до 11,5 килограми

ИМАТЕ НЕОДОЛИВИ ЖЕЛБИ? НЕМОЈТЕ ДА СТЕ ПРЕСТРОГИ КОН СЕБЕ!

Дури и често да ви се јаде нездрава храна, нема место за паника. Витамините и минералите кои во таа исхрана недостигаат, можат да се надоместат со средствата кои се додаток на прехраната. Но во текот на бременоста е најважно да сте задоволни и среќни. Оној кој постојано се оптоварува со здрава храна, не прави ништо добро, ниту за себе ниту за бебето.

Совет: ако не можете без чоколада, најдобро е да се почестите со неа. Можете како замена да земете сладолед кој има помалку калории а содржи и калциум па затоа речиси секогаш може го има на вашето трудничко мени.