/11 /11

Истражувачите откриле дека одговорот на прашањето зошто жените кои носат девојче имаат полесна бременост од оние кои носат момче, лежи во плацентата.

Во студијата објавена  во Молекуларна Хумана Репродукција, беше откриено дека гените произведени од страна на плацентата се различни кај мажите и жените.

“Откривме дека  кога жената носи женско бебе, има повисока експресија на гените кои се вклучени во развој на плацентата, одржување на бременоста и имунолошка толеранција”, рече ко-авторот на студијата Sam Buckberry , дипломиран студент на Аделаида, како што е соопштено од страна на HealthDay. Познато е дека бременостите се со поголема веројатност да имаат лоши резултати ако бебето е момче. Ова  делумно се должи на фактот дека момчињата растат побрзо од моментот на зачнувањето,  а тоа ги става во поголем ризик од недостаток на исхрана.

“Веќе некое време знаеме дека девојчињата победуваат во борбата за опстанок”, вели Клер Робертс, главен автор на студијата. Резултатите на оваа студија даваат објаснување зошто кај женските бебиња има помала веројатност од предвремено раѓање, неонатална смрт или мала родилна тежина. Ова производство на различни гени во плацентата исто така може да ги објасни и другите полови разлики кои постојат во текот на животот.

Нашите гени можат да помогнат да се утврди дали нашите тела ќе се развиваат како женски или машки. Повеќето луѓе се раѓаат со 46 хромозоми во 23 парови. Мажите имаат еден Х и еден Y хромозом, додека жените имаат две копии на Х хромозом. Биолошката разлика меѓу мажите и жените е резултат  на определбата на полот. Определувањето  на полот, кое се случува при зачнување, контролира дали ембрионот ќе се развие како машки или како женски.  Диференцијацијата при зачнувањето е клучна за определбата на полот.

Извор: Medical Daily