Фото:Canva/Ова не значи дека удар мора да се случи наутро, туку дека ризикот е статистички повисок, особено кај лица со хипертензија, дијабетес, срцеви заболувања или пушачи.

/11 /11

1. Нагло зголемување на крвниот притисок

Додека спиеме, крвниот притисок природно се намалува. По будењето срцето почнува побрзо да работи, крвните садови се стегаат, а крвниот притисок нагло се зголемува.

Овој „утрински скок“ може да биде ризичен, особено кај луѓе со хипертензија или срцеви заболувања.

2. Крвта е погуста во утринските часови

Наутро крвта има поголема склоност кон згрутчување. Тромбоцитите се поактивни, крвта е погуста, па полесно се формираат тромбови

Ова го зголемува ризикот од затнување на некој крвен сад и појава на срцев или мозочен удар.

3. Хормоните на стрес се на највисоко ниво

Кортизолот и адреналинот хормоните што нè будат се највисоки токму наутро. Тие: го забрзуваат срцевиот ритам, го покачуваат крвниот притисок и создаваат дополнителен притисок врз срцето и мозокот.

4. Брз премин од одмор во активност

Наглото станување од кревет и брзото влегување во дневните обврски создаваат физички и психички напор. За ослабен организам, ова може да биде сериозен стрес.

5. Намалено дејство на терапијата

Кај некои луѓе, дејството на лековите земени претходниот ден е најслабо во утринските часови, што дополнително го зголемува ризикот.

Кој е во поголем ризик?

-          Лица со висок крвен притисок.

-          Пушачи.

-          Лица со дијабетес.

-          Лица со висок холестерол.

-          Луѓе под хроничен стрес.

-          Лица со нарушен сон.

Како да се намали утринскиот ризик?

-          Станувај полека, без нагли движења.

-          Испиј една чаша вода веднаш по будењето.

-          Редовно земај ја терапијата според совет на лекар (доколку имате терапија).

-          Редовно следете го крвниот притисок.

-          Обезбедете си квалитетен сон.

-          Избегнувајте изложување на стрес веднаш по будењето.

Утринските часови се најосетлив период за срцето и мозокот. Но, со правилни навики, редовни контроли и грижа за здравјето, ризикот може значително да се намали.

Грижата за телото започнува од начинот на кој го започнуваме денот.