/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Запознавање на телото

Во текот на бременоста, вашето тело се менува и јогата е одличен начин да дознаете како да се запознаете и да ги следите промените кои ви се случуваат. Јогата ќе ви помогне да откриете што точно му одговара на вашето тело и што навистина му е потребно. На тој начин ќе бидете свесни за своето тело и промените кои се случуваат и многу полесно ќе воспоставите врска со бебето кое расте во вас.

Смиреност

Една од најдобрите работи кај јогата е тоа што многу придонесува во чувството на смиреност и рамнотежа. Со балансирањето на дишењето и јога позициите, вие можете да научите да успорите, длабоко да вдишете и смирено да ги прифатите сите промени низ кои поминувате. Исто така, вежбите за дишење можат многу да ви помогнат кога ќе почне породувањето, бидејќи колку сте посмирени и поопуштени, толку болките ќе бидат со помал интезитет и породувањето брзо ќе напредува.

Држење

Како што поминува времето, стомакот расте и на голем број бремени жени тоа им претставува оптеретување за рбетот, што може да доведе до свиткување на рамениците. Јогата ќе ви помогне да ги зајакнете мускулите на грбот и рамениците и ќе ви помогне да го подобрите држењето.

Дружење

За време на часовите можете да се запознаете со голем број на жени, со кои ќе може да ги споделите вашите искуства и грижи околу бременоста. Многу подобро ќе се чувствувате кога ќе слушнете дека и другите бремени жени поминуваат низ истото како и вие.

Дури ако одлучите да практикувате јога во вашиот дом, препорачливо е одвреме-навреме да посетите некој час и да вежбате во група, бидејќи дружењето многу пријатно ќе ви делува, а инструкторот ќе ви покаже кои вежби се најдобри да ги правите.