/11 /11

Шкотските истражувачи од архитектонскиот факултет Mackintosh утврдиле дека многу домови во Шкотска имаат премногу влага, а всушност сушењето на облека дома предизвикува дури 30% од влагата во домовите.

Три четвртини од стотина испитани домови имале голема количина на влага која секој дом го претвора во богато расплодно тло за грињи и зголемена појава на мувла. Ваквото намалување на квалитетот на чист воздух поврзано е со астма и слични алергии.

Вкупно 87% од домаќинствата во Глазгов, каде е спроведена студијата, сушат облека дома кога е ладно времето, од кои 2/3 на радијатор. Тоа го зголемува степенот на влага во домот за 30% оние денови кога се суши, односно за 15% во другите денови. Стручњаците заклучиле дека малите, добро изолирани домови се вистински стапици за влага.

Луѓето ги запечатуваат своите домови за подобро да ја искористат енергијата и за да им биде потопло, но ова не е проследено со соодветна вентилација.

Тимот кој работел на оваа студија предлага воведување на заеднички простории за сушење, за да се ублажи овој проблем. Тие функционирале во Велика Британија во 60-те, а во САД се користат сеуште, но со појавата на машини за сушење облека, заедничките простории престанале да се проектираат во зградите.

Со вдишувањето на спори од мувла може да се добие воспаление на дишните патишта посебно кај лица со намален имунитет, или може да се добијат алергиски реакции, посебно астма, бидејќи имунитетот реагира на спорите кога ќе ги идентификува во горните дишни патишта и синусите. Симптомите на инфекција вклучуваат кашлање, замор, иритација на очите, грлото и кожата, главоболки и мачнина.