/11 /11

Новородените близнаци често плачат истовремено, бидејќи ги мачат слични проблеми во исто време. Во почетокот родителите чувствуваат  притисок и лесно го губат трпението, што децата чувствуваат и тоа како. По некое време  ќе се навикнат, а како се подобро ги познаваат своите деца, ќе научат брзо да ја откријат причината за плачење и да ја отстранат.

Но, постојат моменти кога децата се здрави, сити, со чисти пелени, наспани, а сепак неутешно плачат. Ќе ви прикажеме неколку методи кои се покажале како успешни во повеќето случаи.

- Доколку имате можност да ги оставите децата за некој да ги причува на пар минути, излезете вон дометот на плачењето и смирете се. Кога ќе се вратите по смирено ќе им пристапитре на децата, а и нив добро ќе им дојде оваа промена кај Вас.

- Обраќајте им се на децата со смирен тон, а често и пеењето помага.  Трикот се состои во тоа да им го одвлечете вниманието со цел да заборават на плачот.

- Исто така, откако ќе се уверите дека бебињата се на сигурно и дека не им треба ништо од Вас излезете од собата на кратко и затворете ја вратата. Доколку мислите дека децата само Ве “вежбаат”, ова е начин да го проверите тоа.

- Многу бебиња знаат сами да се смират со помош на музика. Може да Ви звучи смешно, но дури и звукот на правосмукалката може да ги смири.

- Ако бебињата непрестано плачат и покрај се' што направивте, подгответе ги за прошетка. Можеби само подготвувањето ќе ги смири, а кога се веќе спремни прошетајте ги пар минути надвор. Ќе ги смири чистиот воздух и промената на просторијата добро ќе им дојде. Исто така еден круг со автомобил е совршен метод за смирување.

Запомнете дека бебињата преку плачење комуницираат со Вас и го покажуваат своето незадоволство. Важно е да реагирате на нивното плачење, да ги прегрнете и да им дадете чувство на сигурност и утеха. Исто како и сите човечки битија и децата имаат добри и лоши денови, нервози и проблеми.

Комуницирајте и занимавајте се со децата бидејќи активното родителство започнува со првиот ден од раѓањето.