/11 /11

Труењето со храна е често предизвикано од бактерии во храна со која се ракувало неправилно или пак истата била неправилно чувана. Таа храна може да има навидум нормален изглед, мирис и вкус. Кај одредени категории на луѓе постои поголема опасност од труење, а тоа се малите деца, трудниците, старите луѓе и луѓе кои болуваат од одредени заболувања.

 Токму следните совети на едноставен и практичен начин објаснуваат што треба да сторите со цел храната која ја купувате или носите дома да биде безбедна за конзумирање.

Десет едноставни чекори до храна која е безбедна за јадење:

1. Купувајте храна на места кои имаат добра репутација и чисти простории
2. Одбегнувајте расипана храна, храна со поминат рок или храна со оштетена амбалажа и пакување
3. Веднаш однесете ја дома оладената, замрзнатата или топлата храна, и тоа во изолирана амбалажа
4. Чувајте ја суровата храна одвоена од храната подготвена за јадење
5. Одбегнувајте да ја чувате храната која е подложна на расипување во опасната температурна зона подолго од 2 часа
6. Оладената храна чувајте ја на температура пониска од 4°C, а топлата храна на температура повисока од 63°C
7. Добро измијте ги и избришете ги рацете кога подготвувате храна
8. Употребувајте одделни чисти садови за сурова и готова/зготвена храна
9. Добро сварете го или испечете го меленото месо, пилешкото месо, риба или колбаси
10. Ако не сте сигурни дали храната е во ред, исфрлете ја.

Држете ја храната во зоната на „вистинска“ температура !

 Основото правило дека „храната која е склона на расипување„ треба што подолго да се држи во зоната на вистинската температура, односно 63 -100°C за топла храна, 0-4°C за ладна храна и под 0°C за замрзната храна (-18°C). Одбегнувајте чување на храната која е склона на расипување во зоната на опасна температура, односно од 4-63°C. Конзумирајте ја храната која е склона на расипување, a останала во зоната на опасна температура, во рок од два часа, не оставајте ја за подоцна.

При идеални услови бактеријата лесно се дели на секои 10 минути !

 За 3 часа и 20 минути има  1 000 000 бактерии во производот !

 Кога купувате:

• Купувајте оладена или замрзната храна на крајот од пазарењето
• Топлата храна треба исто така да се купува на крајот од пазарењето и истата да биде одделена од ладната или замрзната храна

Внимателно одберете кога купувате храна

Ø  Внимателно прочитајте ги податоците на етикетата во врска со хранливата вредност на производот, како и можните алергиски реакции

Ø  Одбегнувајте производи во оштетени, нагмечени, надуени или напукнати конзерви, кутии или други амбалажи, без означување, особено без рок на употреба и сл.

Ø  Одбегнувајте храна која остава впечаток дека е расипана или сменила боја

Ø  Проверете дали лицето кое послужува храна користи посебни штипки за разни видови храна

Ø  Купувајте јајца пакувани само во картонски кутии на кои е означен производителот и рокот на употреба и избегнувајте да купувате напукнати и нечисти јајца

Ø  Одбегнувајте оладена и смрзната лесно расиплива храна која стои надвор од ладилник или замрзнувач

Ø  Одбегнувајте готова храна која стои во откриени садови

Донесете ја храната брзо дома

 Ø  Ако сте купиле топла, оладена или замрзната храна, треба што побрзо да ја донесете дома

Ø  Ако патувањето трае подолго од половина час или ако воздушните температури се многу високи, добро е да се понесе изолирана кутија или вреќа за ладење со ледени блокови, така што оладената или замрзнатата храна ќе се лади

Ø  Добро би било топлата храна да се стави во посебен сад ако патувањето трае подолго од половина час

Ø  Топлата храна може да се завитка во алуминиумска фолија

Ø  Кога ќе пристигнете дома, оладената и смрзнатата храна веднаш ставете ја во ладилник и замрзнувач

Лична хигиена

 Добрата лична хигиена е неопходна за да се осигура безбедноста на храната. Затоа, кога ракуваме со храната треба да обрнеме внимание на високиот степен на хигиена  и чистота, со цел да се избегне пренесување на штетните материи во храната. Посебно треба да се обрне внимание на миењето на рацете.

Техника на миење раце:

• Натопете ги рацете со топла вода
• Ставете сапун или детергент, направете сапуница до рачниот зглоб
• Тријте ги рацете најмалку 20 секунди, со тоа што добро ќе протриете и околу ноктите
• Исплакнете го сапунот или детергентот

           Постапката се повторува два пати!

• Избришете ги рацете со соодветна салфета за еднократна употреба, а никогаш не ги бришете рацете од облеката.

Обрнете внимание кога храната ја носите од дома на некое друго место

• Кога одите на излет, јадете на отворено, носите храна на работа или на училиште, бидете внимателни во поглед на тоа како ракувате со храната, каде и колку време истата ја оставате

• Исечете го на парчиња месото кое треба да го носите некаде и подгответе ги сите салати за јадење

• Не ја ставајте готовата храна спремна за јадење во садови во кои биле чувани сирови намирници и храна, без претходно да се измијат темелно

• Обрнете внимание домашните миленичиња или други животни да не се во контакт со храната која се подготвува

• Може да понесете влажни марамици за еднократна употреба доколку нема  чиста вода за миење на раце.