/11 /11

Која е оваа болест?

Два тесно поврзани вируси можат да предизвикаат розеола: вирус на херпес  Тип 6 и Тип 7. Овие вируси припаѓаат на истото сеејство познато како Херпес симплекс вирус (HSV), но  HHV-6 и HHV-7 не предизвикуваат рани и херпес на гениталната област како HSV.

Типично за ова заболување  е што високата темпертаура трае 3-4 дена, а потоа ја нема, но се јавува осип кој брзо се шири. Затоа и се нарекува тродневна грозница. Кај бебињата може да се јави и оток на лимфните жлезди, течење на носот и пролив. Осипот не чеша, за разлика од алергијата.

Како се пренесува?

Лесн – преку контакт со заразено дете. Бидејќи оваа болест е честа појава кај предучилишните деца не се ретки мини епидемии по детските јасли и градинките. Инкубацијата на вирусот трае од 5-15 дена.

Колку дена трае осипот?

Неколку дена и потоа исчезнува.

Дали моето дете е опасно по околината?

Додека детето има температура и осип тоа може да ги зарази здравите деца од околината.

Има ли компликации?

Компликации се случуваат исклучително ретко и тоа кај бебиња или деца со оштетен имунитет.  Продолжената висока температура  може да предизвика благо и минливо оштетување на црниот дроб.

Може ли детето повторно да се разболи од истата болест?

Не може. Оваа болест остава траен имунитет.

Дали се дава антибиотик?

Бидејќи е во прашање вирусна болест, антибиотикот нема да помогне. Антибиотиците не влијаат на вирусите.

Дали може да се очекуваат фебрилни конвулзии?

Болеста еxanthem subitum е придружена со многу висока температура, па кај оваа болест може да се очекуваат фебрилни конвулзии. 5-35% од децата добиваат ферилни конвулзии, но тоа најчесто се деца кои во семејството имаат историја за оваа состојба.