Пар

/11 /11

Прво доаѓа шокот, а потоа тишината

Кога еден од партнерите ќе дознае за изневерувањето, првата реакција најчесто е шок, бес, тага или неверување. Психолозите велат дека луѓето во тој момент се наоѓаат во состојба слична на жалост, бидејќи се соочуваат со смрт на идеализираната слика за односот.

Важно е да се даде време и простор за емоции. Не мора веднаш да се носат конечни одлуки. Во тој прв период, главното прашање не треба да биде „дали остануваме заедно“, туку: како да се справиме со ова што ни се случи?

Зошто се случува неверство?

Причините се комплексни и често се наталожени со тек на време. Некои од најчестите вклучуваат:

• Емоционална запоставеност
• Недостаток на интимност
• Кризa на идентитет (особено кај мажи и жени на средна возраст)
• Неисполнети очекувања или долгогодишни несогласувања
• Понекогаш е само едноставна импулсивност и момент на слабост

Важно е да се разбере, објаснувањето не е исто што и оправдување. Разбирањето на причините не значи прифаќање или амнестирање на делото.

Што понатаму? Можности и избори

По неверството, бракот се наоѓа на раскрсница. Некои двојки избираат да се разделат. Други се обидуваат да изградат нешто ново врз руините од старото. И двете одлуки се легитимни. Важно е да се базираат на исконска искреност, не на притисок, срам или страв.

Ако двојката реши да остане заедно:

-        Советување кај брачен терапевт е речиси неопходно за да се води процесот на обновување на довербата.

-        Прекин на контактот со третото лице е основа за повторно градење на безбедност.

-        Искреност, но и емпатија. Оној што изневерил мора да биде подготвен за болните прашања, а оној што е повреден мора да биде отворен за процесот на лекување.

Ако партнерите решат да се разделат:

-        Потребна е поддршка, од блиски, психолози или групи за самопомош.

-        Грижата за децата (доколку ги има) мора да биде приоритет, со почит и зрелост.

-        Сочувување на самопочитта е клучно, бидејќи неверството зборува за оној што го направил, не за вредноста на оној што е повреден.

Може ли бракот да преживее неверство?

Може, но никогаш нема да биде се на ист начин како порано. Бракот по нецерството не се враќа на старото. Тој мора да се да се гради одново. За некои двојки, болката станува почетна точка на поголема длабочина, искреност и поврзаност. За други, неверството е сигнал дека приказната е завршена.

Ниту едното, ниту другото не е пораз ако изборот е свесен, искрен и во склад со вредностите на обете страни.

Повредата е реална, но изборот е ваш 

Неверството не мора да биде крај, но никогаш не смее да биде игнорирано. Бракот, како и секоја врска, бара работа, зрелост и подготвеност за соочување со болните вистини. Само така, од пепелта може да се роди нешто ново: посилно, потемелно, или пак, поделено но послободно.