Месо

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Експертите конечно ги споредија двата извори на протеини и донесоа појасна слика за тоа кое месо кога и зошто треба да го избереме.

Говедско, моќен извор на железо и цинк

Говедското месо е богато со:

• железо (хем тип), кое телото го апсорбира многу полесно отколку железото од растителни извори
• цинк, важен за имунитетот и заздравувањето на ткива
• витамин Б12, неопходен за нервниот систем и создавање на црвени крвни клетки
• висококвалитетни протеини, идеални за оние што сакаат да изградат мускулна маса

Но, не сè е совршено. Говедското може да биде:

• со повеќе заситени масти
• ризик за висок холестерол ако се консумира во големи количини или ако е слабо обработено

Совет од нутриционистите: Избери посни парчиња (како што се филе или филе миньон) и подготвувај ги без многу масло.

Пилешко, крал на лесната исхрана

Пилешкото месо, особено белото месо (гради), е:

• посно и нискомаслено
• одличен извор на протеини со малку калории
• богато со витамини од Б групата, особено Б6 (важен за метаболизам)

Идеално е за:

• луѓе што сакаат да ослабнат
• оние со чувствителен дигестивен систем
• спортски активни лица кои сакаат брзо варлива, но нутритивно богата храна

Единствено илешкото е послабо во железо и не содржи исто ниво на Б12 како говедското.

Пилешко или говедско, кој победува?

Не постои апсолутен победник. Сè зависи од твоите потреби. Ако ти е потребно железо и Б12 се препорачува говедско месо. За ниска маснотија, контрола на холестеролот и слабеење се препорачува пилешкото месо. Во градење на мускули се препорачуваат и двата типа на месо, иако говедското во овој случај има мала предност.

Ако имаш урамнотежена исхрана, најдобро е да вклучиш и пилешко и говедско, но во умерени количини и со правилна подготовка. Говедското е одлично за оние со недостаток на железо или физички активни, додека пилешкото е совршен избор за лесен, здрав оброк што не го оптоварува телото.

Клучот е во балансираната употреба, а не во исклучувањето на било кој тип месо.