/11 /11

1.       Близнаци се?

Сите сме го слушнале тоа. Тоа е најчест начин некој странец да започне разговор за децата. Иако е безопасно, ова сеприсутно прашање може да биде незгодно.

2.       Дали се идентични?

Од некоја причина луѓето сакаат да ги класифицираат близнаците во две категории – идентични и неидентични. Повеќето луѓе знаат дека постојат два вида на близнаци, но всушност не знаат што значи тоа. Ова прашање ќе Ве излуди бидејќи ќе го слушнете најмалку 100 пати, бидејќи не сте Вие должни да ги едуцирате странците на улица.

3.       Кое е постаро?

Зошто имаат луѓето потреба да го знаат тоа? Редот на раѓање не е релевантен за близнаците. Се работи за разлика од неколку минути – време кое нема никакво епохално влијание кај нив.

4.       Кое е подоброто бебе/дете?

Никој, никогаш не би и поставил вакво прашање на една мајка која има деца со различна возраст, но Вас ќе Ви го постават. Ова прашање е крајно непријатно, бидејќи нема одговор.  

5.      Дали веќе имате близнаци во Вашето семејство

Ова е исто така едно непотребно прашање кое родителите не сакаат да им биде поставено.  

6.       Зошто имињата не им се римуваат?

Луѓето очекуваат близнаците да имаат слични имиња, или имиња кои се римуваат. Како да сте должни да ги исполните очекувањата на јавноста, а не сопствените желби.

7.       Како ги разликувате?

Ако имате идентични близнаци, често ќе Ви го поставуваат ова прашање. И да немате идентични близнаци, сеедно, повторно ќе бидете прашани за истото.  

8.       Ги добивте ли по природен пат?

Ова е многу лично прашање. Никој нема право да Ви го постави. На ова прашање одговорете со...прашање.  

9.       Како ги родивте?

Исто така, никој не треба да се интересира за тоа како се породивте.

10.   Зошто ги облекувате различно?

Некој сака да ги облекува децата идентично, некој не сака. Ако ги облекувате децата различно, надевајте се на ова прашање.

Како ќе се однесувате кон странците на улица ед потполно Ваша работа. Со оваа статија само сакавме да Ве утешиме дека на сите родители на близнаци им се случува истото. :)