Мача и бременост

/11 /11

Мача, фино мелен зелен чај во прав е тренд што не стивнува. Од лате до колачи, се користи насекаде, благодарение на неговите здравствени бенефити, од антиоксидативно дејство до подобрување на концентрацијата. Но, кога станува збор за бременост, жените се соочуваат со едно клучно прашање: Дали можам да пијам мача додека сум бремена?

Краткиот одговор е да, но со внимание. Еве што треба да знаеш:

Што го прави мача напитокот толку посебен?

Мача се добива од истиот растителен вид како и зелениот чај (Camellia sinensis), но се одгледува и обработува на специфичен начин што го задржува целиот лист во прав, а не само нејзината инфузија. Тоа значи дека:

• Содржи повеќе антиоксиданси, особено EGCG (epigallocatechin gallate)
• Дава благ енергетски поттик без нагли падови на енергија
• Има поинтензивен вкус и боја од класичниот зелен чај

Важна замка, кофеинот

Една од причините зошто мача треба да се консумира внимателно во бременоста е содржината на кофеин.

Мача содржи повеќе кофеин од обичниот зелен чај односно околу 35 до 70 mg кофеин по една лажичка, во зависност од квалитетот и подготвувањето.

Светската здравствена организација и повеќето гинеколози препорачуваат внес на максимум 200 mg кофеин дневно за бремени жени. Тоа значи дека една мала шолја мача дневно е во ред, особено ако внимаваш на другите извори на кофеин како кафе, чоколадо, газирани пијалаци.

Потенцијални придобивки за трудници

Ако се консумира умерено и внимателно:

• Мача напитокот може да помогне во борба со замор
• Богат е со антиоксиданси кои го поддржуваат имуниот систем
• Може да помогне во намалување на воспаленија
• Содржи L-теанин, аминокиселина која го балансира дејството на кофеинот и поттикнува чувство на смиреност

Кога да внимаваш или да избегнуваш?

• Ако имаш проблеми со спиење, избегнувај мача попладне или навечер
• Ако имаш прееклампсија, висок притисок или гестациски дијабетес, консултирај се со гинеколог пред било каква употреба на мача.
• Внимавај на интеракција со железо. Не пиј мача веднаш по оброци богати со железо, бидејќи може да го намали неговото апсорбирање

Како да го вклучиш мача напитокот безбедно во бременоста?

• Избери органска мача од проверен извор
• Почни со ½ лажичка дневно, па види како реагираш
• Пиј ја наутро или пред ручек
• Избегнувај засладувачи или преработени мача пијалоци од кафулиња

Мача може да биде дел од твојата бременост, но со мера внимателност. Нејзините хранливи својства се вредни, но кофеинот останува фактор што бара внимание. Ако не претераш и се консултираш со твојот гинеколог, оваа зелена суперзвезда може да ти даде енергија и свежина кога ти е најпотребна.