/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Во бременоста ќе одите на чести контроли и дополнителни тестови. Можат да почнат многубројни проблеми и затоа е потребно поголемо внимание на идните мајки и лекарот. Прашајте го гинекологот на што треба да внимавате и веднаш реагирајте ако нешто ви е сомнително.

Бидејќи материцата е растегната и жената има вишок килограми, под притисок може да дојде до предвремено породување. Скоро половина од близначките бремености завршуваат пред 37 недела на бременост.

Многу чест е царскиот рез заради можните ризици (високиот крвен притисок, состојбата на едното, или двете бебиња) или неповолната положба на едното, или двете бебиња.

Многу чест е и индуцираното породување, затоа што наизглед нормалните ситуации се опасни ако носите близнаци. Но не грижете се, тимот на лекари ќе стори се пораѓајот да помине во најдобар ред за вас и за вашите бебиња.

Бебињата често имаат мала породилна тежина и пократки се од востановениот просек. Со самото тоа ним им треба подолго време да прифатат и научат доење, или хранење со шишенце. Некои можат да бидат и во инкубатор, додека не зајакнат.

Поголеми проблеми имаат мајките кои дојат, но секако дека постојат можности да се дојат близнаци. На многу мајки им е полесно кога истовремено ги дојат близнаците, поставени на перниче, секое на по една страна на дојката. За бебињата  родени предвреме и со ниска родилна тежина е уште побитно да бидат доени, за да го зајакнат организмот и да ги примат сите потребни нутритиенти. Без грижи, вашето тело ќе произведува доволно млеко за двете бебиња.

За мајката е неопходно да се привикне на секојдневната рутина- пресоблекување, успивање, бањање. Мајките на близнаците кажуваат дека им е најпрактично во исто време да ги хранат и пресоблекуваат, отколку едното бебе да плаче и да чека на ред.

Секоја помош ви е добредојдена, дали од роднините или од дадилка. Ако имате и постаро дете, помошта ви е уште попотребна ако тоа не е доволно старо да ви помогне и да се грижи за своите физиолошки потреби. Во прво време многу малку ќе успевате да се одморите, заради постојаниот ритам на хранење, пресоблекување и успивање. Затоа одморајте се додека бебињата спијат. Прифаќајте каква и да е помош за да си го олесните секојдневието.

Неколку недели после породувањето, ќе забележите усогласување на ритамот кај бебињата. Во исто време ќе бидат гладни, ќе спијат и ќе вршат нужда.

Трошоците се дупли – пелини, козметика, облека. Овде нема да имате многу помош. Прифатете користена облека, ако некој ви понуди, за да ги намалите ионака високите трошоци.

Преслатко е кога близнаците се облечени во иста облека бидејќи сите ние ги доживуваме како еднакви. Овде треба родителот да биде посебно внимателен, бидејќи сепак тие се посебни индивидуи. Потребно им е посебно внимание и имаат право на поинакви интереси и сопствен животен пат. Внимателно следете ги и помогнете им да се развиваат со свое темпо и да тргнат по патот кој самите го зацртале.

Позитивна страна кога имате близнаци е што после неколку месеци тие се забавуваат сами. Си играат, си зборуваат и взаемно се учат. Имаат некој во своја близина кој е на нивно ниво.

Докторите советуваат од многу рано да ги оставате заедно, дури и блиску еден до друг. Долго ја делеа материцата и многу повеќе ќе се утешат и смират, ако се заедно и ако се допираат. Така поубаво ќе спијат и ќе бидат помирни.

Уживајте во својата дупла среќа!