/11 /11

Многу често не водиме сметка за тоа кога јадеме, па поради тоа имаме проблем со стомакот, долгорочно гледано со прекумерната тежина и со здравјето. Кинеската традиционална медицина, но и современата потврдуваат дека е многу важно  во  кој период од денот јадеме, и колкаво количество на храна внесуваме.

Кога желудникот работи максимално?

Заклучено е дека желудникот најмногу работи наутро меѓу 7 и 9 часот. Тогаш би требало да се јаде и да му се даде на желудникот  храна која тој најдобро би ја искористил. Затоа  се случува ако малку или доцна појадуваме веќе околу 11 часот да бидеме гладни.

Кога желудникот работи најбавно?

Стручњаците тврдат дека желудникот одмара меѓу 19 и 21 часот и тогаш не треба да се јаде. Се препорачува да вечерате околу 18 часот и тоа да биде помала порција лесна храна. Ако од објективни причини не можете да вечерате во 18 часот, тогаш тоа нетреба да биде после 20 часот. Советот е оброкот да биде помал и полесен колку што подоцна се вечера. Во спротивно, кога навечер ќе се најадеме, тоа  за нашиот стомак е напор како да не разбудил некој на сред ноќ  за да трчаме.

Кога треба да се појадува?

Најоптимално време за појадок е 40-тина минути по станувањето. Веднаш по станувањето на нашите органи  им треба време да се разбудата и расонат.  Органите за варење почнуваат да работата и првото што го прават е „детоксикацијата“. Кога тоа ќе го завршат, тогаш е време за појадок за да им дадеме„ гориво“. Доколку одложиме или го прескокнеме појадокот, желудникот го тераме  да  работи „напразно, или да се јаде себеси“.

Дали треба да се јаде секој ден во исто време?

Пожелно е секој ден да се јаде во приближно исто време бидејки организмот се навикнува на ритамот и тогаш желудникот и другите органи за варење се подготвени за храна и правилно ја обработуваат. Нередовната исхрана само  го „збунува“нашиот дигестивен систем, така што тој лачи сокови во одреден период, а ние го оптоваруваме  во некој  друг период.

Колку храна треба да се изеде?

Количеството храна е индивидуална, но кога редовно јадеме, тогаштреба и да одредиме количество храна кое можеме да го изедеме. Доколку еднаш јадеме малку, а другит пат многу – тогаш го шокираме желудникот и го тераме неправилно да работи.

Колку пати дневно треба да се јаде?

Стручњаците препорачуваат четири до пет помали порции дневно. Тоа подразбира три поголеми оброци (доручек, ручек, вечер) и две ужинки (помала порција десерт или овошје).

Што да правите за викенди и празници?

Деновите од викендот и празниците треба да се користат за дружење, за здрава нискокалорична храна, за прошетка и одмор, а  никако за консумирање на големи количества храна и прејадување со што само создаваме услови за претерана дебелина.