Фото:Canva/Кога паровите се обидуваат да забременат, советите од сите страни може да станат преоптоварувачки. Од позиции, до време на однос, па сe до чудни суеверија половина од тие препораки немаат врска со реалноста.

/11 /11

Иако постојат многу митови, науката е појасна отколку што мислиме. Еве што навистина може да помогне.

1. Времето е поважно од самата сексуална пракса

Најголеми шанси за забременување има во периодот околу овулацијата.
Тоа е 12 до 24 часа кога јајце-клетката е подготвена за оплодување.

Како да ги препознаете плодните денови?

• Имате променета цервикална слуз односно таа е прозирна, еластична, слична на белка од јајце,
• Имате блага болка во едниот јајник,
• Имате зголемено либидо,
• Добивте позитивен тест за овулација.

Најдобро е односите да се случуваат: 2 до 3 дена пред овулација, на денот на овулација 1 ден после овулација.

Ова ја покрива целата „плодна зона“.

2. Дали одредени сексуални пози навистина помагаат?

Иако многу популарни совети тврдат дека одредени пози ја зголемуваат шансата за забременување, научните докази се ограничени.

Пози каде семето природно се задржува подолго во вагината можат да го олеснат патувањето на сперматозоидите, но не претставуваат гаранција.

Најважни се: удобноста, релаксираноста, добар контакт и интимност помеѓу партнерите.

3. Треба ли жената да лежи после однос?

Овој стар совет всушност има смисла, но во умерена форма.

Што кажуваат гинеколозите?

Релаксирано лежење 10 до 15 минути по однос може да помогне гравитацијата да оди во прилог на сперматозоидите. Не е потребно држење нозе во воздух или непријатно подигање на карлицата.

Ова не е неопходно, но може делумно да помогне и го намалува непотребното истекување на семе.

4. Колку често треба да имате односи?

Најдобро е секој втор ден во текот на плодните денови.

Зошто не секој ден?
Поголемиот број студии покажуваат дека секојдневни односи не ја намалуваат драматично шансата за зачнување, но кај некои мажи може да ја намалат концентрацијата на сперматозоиди краткорочно. П затоа секој втор ден е најбалансираната стратегија.

5. Стресот и притисокот се најлошиот непријател на плодноста

Кога обидите за бременост ќе станат опсесија, се случува спротивното. Телото реагира со: хормонски промени, намалено либидо, нарушена овулација, потешкотии при ерекција кај мажите.

Интимноста треба да биде природна, а не задача на календарот.

6. Лубрикантите можат да бидат проблем

Многу комерцијални лубриканти ја намалуваат подвижноста на сперматозоидите.
Ако е потребно користење, изберете: „fertility friendly“ лубриканти или производи без глицерин и парабени.

7. Алкохолот, цигарите и начинот на живот имаат поголема улога од сексуалната техника

Овие услови докажано ја намалуваат плодноста и тоа: пушење и кај мажи и кај жени, прекумерен внес на алкохол, прекумерен внес на кофеин, недоволно спиење, слаб внес на витамини и минерали.

Плодноста е резултат на целиот начин на живот не само на сексуалниот чин.

8. Кога да побарате лекарска поддршка?

Ако редовно се обидувате, 12 месеци ако жената е под 35 години или 6 месеци ако е над 35 години и нема успех тогаш време е да се направат основни анализи.

Сексуалната пракса може да игра улога во забременувањето, но многу помала отколку што многумина мислат.
Точното време, здравиот начин на живот и емоционалната поврзаност се далеку поважни од специфични пози или техники.

Бебето најчесто доаѓа тогаш кога телото е подготвено, а умот е опуштен.