Фото:Canva/Забременувањето најчесто се случува во многу тесен временски прозорец. Иако циклусите кај жените се различни, постојат неколку биолошки показатели кои јасно сигнализираат кога шансите се највисоки.

/11 /11

Но реалноста е поинаква. Дури и кај совршено здрави партнери, шансата да дојде до бременост во еден циклус е околу 20 до 25%. Затоа најважно е да се знае кога е вистинското време за обиди.

1. Овулацијата е централниот момент за забременување

Овулацијата е процес кога зрела јајце-клетка се ослободува од јајникот и може да биде оплодена само 12 до 24 часа.

Ова е најкраткиот, но најважниот прозорец во целиот циклус.

2. Плодните денови - прозорец од 5 до 6 дена

Иако јајце-клетката живее еден ден, сперматозоидите можат да преживеат во женскиот репродуктивен систем и до 5 дена.
Затоа, плодниот период трае околу 5 дена пред овулацијата и на денот на овулацијата

Тоа значи дека шансите се најголеми ако имате односи во овој временски прозорец не само на самиот ден.

3. Како да препознаете дека овулацијата се ближи?

Вашето тело испраќа многу сигнали.

Промена на цервикалната слуз

Од густа и бела станува таа станува проѕирна, вискозна и еластична како белка од јајце.

Ова е еден од најсигурните природни показатели.

Зголемена базална температура (после овулација)

Температурата благо се зголемува веднаш по овулацијата. Овој метод помага да го следите циклусот во повеќе месеци и да предвидите кога овулирате.

Болка или боцкање во едниот јајник

Оваа појава е наречена „мителшмерц“. Не ја имаат сите жени, но кај некои е многу изразена.

Зголемено либидо

вашето тело природно ве „турка“ кон моментот на забременување.

Тестови за овулација

Овие тестови се најточниот домашен метод. Покажуваат кога LH-хормонот расте. Тоа пак е сигнал дека овулацијата ќе се случи во следните 24 до 36 часа.

4. Колку често да имате односи?

Најдобро е во плодните денови да имате односи секој втор ден или секој ден во 2-3 дена пред овулацијата

Ова овозможува свежи сперматозоиди да бидат присутни кога јајце-клетката ќе се ослободи.

5. Кога е најголема шансата?

Највисока веројатност за забременување има ако имате односи еден ден пред овулација или на денот на овулација.

Зошто е ова така?
Затоа што сперматозоидите имаат време да стигнат до јајцеводот и да ја чекаат јајце-клетката.

6. Што ако циклусот е нерегуларен?

Нерегуларните циклуси не се редок случај. Во тој случај: следете ја слузта, водете календар, користете тестови за овулација, правете ултразвучни контроли доколку долго време се обидувате без успех.

И понатаму можно е да забремените, но потребно е поголемо следење.

7. Кога да побарате стручна помош?

Многу пати сме пишувале, но да повториме, ако активно се обидувате да забремените во период од 12 месеци за жени под 35 години и 6 месеци за жени над 35 години и нема успех време е за основни испитувања.

Правото време за забременување не е мистерија, туку комбинација од:

• препознавање на плодните денови,
• редовни односи во тој период,
• опуштена психа,
• здрави навики.

Кога жената го познава својот циклус, шансите за бременост значително растат без непотребен стрес и без митови.