/11 /11

Горан Јешиќ, секретарот за  земјоделство во Србија, на јавноста и ги предочи резултатите од вонредните анализи на млекото, во кои е откриена недозволена количина на канцерогената материја афлатоксин М1.

Афлатоксин е производ на развојот на Aspergillus flavus. Се јавува во предели со влажна клима, баш како што е Србија, но и како последица на суша. Во Србија се појавил во пченката во текот на сушната 2012. година, а стручњаците процениле дека 70% од родот е затруен.

Како афлатоксинот стигна во млекото?

Преку пченката, која се користи како исхрана на стоката, афлатоксинот стигна и во организмот на кравите. Афлатоксините кои се најдени во млекото се најсилните познати канцерогени во природата. Во Србија дозволена количина на афлатоксин во млекото е 0,05 микрограми по килограм, во ЕУ 0,025 додека во Унгарија е потполно забранет.

За да се направи килограм сирење, потребни се најмалку 3,5 кгр. млеко, што значи 3,5 пати поголема опасност по здравјето на луѓето.

Кога еднаш ќе влезат во исхраната афлатоксините тешко се уништуваат.  Бидејќи сточната храна е затруена со пченка, овој канцероген ќе се појави во сите млечни производи: млеко, сирење, кашкавал и друго. Потрошувачите ниту по мирисот, ниту по вкусот не можат да се посомневаат дека млекото е токсично.

Што може афлатоксинот да му направи на нашиот организам?

Токсичните ефекти се манифестираат како воспалителни промени на системот за варење. Акутна афлатоксикоза се одликува со влошување на состојбата на организмот, внатрешно крварење и смрт. Сепак, за да дојде до вакви промени, мора да се внесе исклучително голема количина на афлатоксин.

Извор: NezavisneNovine