/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Коликите се манифестираат како интензивен плач неколку часа во текот на денот, најчесто во ист период од денот, и тоа навечер. Инфантилните колики се јавуваат подеднакво кај деца на мајчино или адаптирано млеко, а децата и покрај коликите најнормално напредуваат во својот раст и развој. Понекогаш покрај коликите причина за интензивен плач на детето може да биде и негова глад што се компензира со дохрана со адаптирана формула кога е детето на мајчино млеко или со зголемен внес на адаптирано млеко кај деца кои се само на вештачка исхрана. Во секој случај главна причина е создавањето на гасови во дигестивниот систем,кои предизвикуваат грчеви, тие доведуваат до плачење и доста непроспиени ноќи и за доенчето и за мајката. За проблемот со создавањето гасови, најдобро е да се размислува уште пред да дојде до него. Затоа, обидете се да ја спречите нивната појава пред да предизвикаат грчеви во стомачето, надуеност и диареа.

Следните совети можат навистина да бидат корисни:

• Движете го нозете на бебето така што ќе емитирате возење на велосипед. При тоа движењата ќе го размрдаат целото тело, така што ќе го поттикнете испуштањето гасови.
• Држете го бебето в раце, и истовремено нежно масирајте му го грпчето.
• Во текот на јадењето и по него, подигнете го бебето така што ќе поджригне, со што ќе го ослободи воздухот што го голтнало со јадењето.
• Хранете го бебето пред да огладни и пред да почне да плаче. Со плачењето, бебето ќе проголта повеќе воздух. Исто така, не претерувајте со соковите. Големите количества сок можат да предизвикаат дуење на стомачето и пролив.
• На долниот дел на стомачето ставете топла облога. На тој начин ќе го поттикнете ослободувањето на гасовите.

Од друга страна пак направени се бројни студии за улогата на пробиотиците во третманот на инфантилните колики – резултатите се покажале одлични и затоа тие се повеќе се препорачуваат за употреба во првите четири месеци од животот на детето.