/11 /11

Синдром на полицистични јајници

Што е тоа?

Хормонален дисбаланс кој предизвикува неправилни менструални периоди и растење на цисти околу јајниците, кои влијаат на овулацијата.

Славни личности кои страдаат:

Victoria Beckham, Emma Thompson, Jules Oliver, Kym Marsh.

Дијагноза:

Симптомите вклучуваат дебелеење, акни и невообичаена косматост. Комбинацијата на крвната слика ултразвучниот преглед и семејната анамнеза ја потврдуваат болеста.

Третман:

Слабеење – Одржување на БМИ меѓу 20 и 25. Ако тежината е во граници на нормала се користат лекови за да се потпомогне овулацијата. Ако не успее ниту тоа се применува интраутерина инсеминација или ин-витро.

Ендометриоза

Што е тоа?

Ендометриозата е болест, при која се случува ендометриумот (внатрешниот слој на матката) да почне да се шири и надвор од неа. Ендометриозата се приширува на површината на органите во малата карлица и стомакот.

Славни личности кои страдаат:

Padma Lakshmi, Emma Bunton, Anna Friel

Дијагноза:

Ако жената се жали на многу тешки и болни периоди, лекарите често се сомневаат во ендометриоза. Се дијагностицира со помош на скенер или вагинален телескоп.

Третман:

Лапароскопска операција за да се одстрани ендометријалното ткиво, прираслици, цисти, лузни ит.н. Најчесто ова не е траен лек, затоа што болеста може повторно да се врати. Кај некои жени зголемената плодност после оваа операција трае до 9 месеци.

Спонтан абортус

Што е тоа?

Губење на бебето пред 24 недела на бременост. Обично се случува бидејќи има нешто што е генетски погрешно во оплодената јајце клетка.

Славни личности кои страдаат:

Beyonce, Lily Allen, Courteney Cox.

Дијагноза:

Со помош на ултразвук се утврдува дали има срцев ритам кај бебето. Крварењето може да биде знак за спонтан абортус, но во отсуство на крварење е многу тешко да се дијагностицира. Обично се случува околу 6-8 недела од бременоста.

Третман:

Фетусот обично се исфрла спонтано. Ако тоа не е случај, може да се користат лекарства или да биде неопходна операција. Ризикот од спонтан абортус се зголемува со возраста на мајката.

Необјаснета неплодност

Што е тоа?

Се случува кај ¼ од паровите кои се обидуваат да добијат бебе. Тоа е неможност на жената да забремени по две години обидување, откако сите тестови дале нормален резултат. Обично се дијагностицира кај жени кои имаат над 38 години.

Славни личности кои страдаат:

Alex Kingston, Brenda Lee Strong.

Дијагноза:

Испитувањата вклучуваат спермограм, проверка на фалопиевата туба и скен на матката.

Третман:

Единствен активен третман е ИВФ. Нема смисла да се даваат лекови за предизвикување на овулација, ако сите тестови потврдиле дека жената нормално овулира.

Ектопична бременост

Што е тоа?

Оплодената јајце клетка се вгнездува надвор од матката, најчесто во еден од јајцеводите.

Славни личности кои страдаат:

Nicole Kidman, Suzi Perry, Sarah Brightman.

Дијагноза:

Ултразвучниот преглед на шест недели ќе покаже дали бебето се развива на правилно место или не. Ако ништо не се утврди со ултразвук, крварењето и силната болка може да бидат првите симптоми.

Третман:

Доколку се дијагностицира рано, може да се изврши операција. Доколку не се открие навреме, може да биде опасно по живот.

Прееклампсија

Што е тоа?

Исклучително висок крвен притисок, кој обично се развива по првите 12 недели од бременост. Тоа значи дека плацентата не е развиена правилно, па мајката не е во можност правилно да пумпа кислород и хранливи материи на бебето. Ако не се лекува и одржува во нормала може да биде опасно по животот на мајката и бебето.

Славни личности кои страдаат:

Sophie Ellis-Bextor, Angelina Jolie, Jennifer Lopez.

Дијагноза:

Симптомите вклучуваат висок крвен притисок, отоци во рацете, нозете и глуждовите, главоболки и протеини во урината.

Третман:

Хоспитализирање на мајката и држење на болеста под контрола.