/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мајка на пет деца, писателка и блогерка Моли Дефранк, пред седум месеци решила да ги оттргне своите деца од спрегата на екрани од сите видови - телефони, телевизори и компјутери. Таа неодамна објави фотографија во која ги сумира резултатите од овој потег - пет мали читатели се сликани во кревет со книги во раце

„Лесно е на детето да му тутнете iPod во рацете кога сакате неколку минути за себе. Денешните родители се првата генерација што се соочија со овој долгорочен неконтролиран експеримент што се спроведува врз нашите деца. За нив е тешко да се борат со нешто што е толку присутно и лесно достапно. Сепак, во одреден момент треба да се запрашате дали треба да го сторите тоа? На крајот решивме дека работите треба да се променат “.

Дефранк вели дека придобивките од оваа одлука биле повеќекратни. „Почнав подобро да ги разбирам талентите и интересите на моите деца, бидејќи тие конечно беа во можност да ги презентираат. Малата ќерка започна да чита многу побрзо, а сега пишува приказни. Синот црта, па дури и организираше курсеви за цртање за деца, на кои тој е наставник. Добро е на децата да им биде здодевно, за да преземат иницијатива и да ја разбудат нивната креативност “.

Покрај тоа, детоксикацијата од екранот воопшто не е толку тешка, вели Дефранк: „Најголем предизвик е да им понудите на децата да прават нешто друго, наместо да гледаат во екранот. На децата им е потребна што поголема интеракција со други луѓе за да развијат социјални вештини и моторни вештини. Тие треба да научат да препознаваат и интерпретираат различни изрази на лицето, јазик на телото, тонот на говорот и другите вештини за комуникација “.

„Моите деца сакаа екрани. Но, екраните не им ја возвраќаа љубовта. Тие беа претворени во деконцентрирани деца расположени за расправија. Поради ова, јас и мојот сопруг решивме целосно да ги исфрлиме екраните од употреба. Децата прво се побунија, а потоа животот продолжи. Детоксикацијата беше изненадувачки лесна и прифатлива, а мојата деветгодишна ќерка постојано ми кажуваше дека и е драго што ги нема екраните повеќе“.